Tag: Ethiopia

‪
Minilik Salsawi – የፖለቲካ፣ የኢኮኖሚና የማህበራዊ እንከኖቻችን ጥቅል ውጤት ማስጨነቁና ማሳሰቡ የሀገርና የህዝብ ስሜት ላለው ሁሉ አይቀሬ ነው፡፡በሃገር ቤት ማናቸውንም የጥፋት ድርጊት የሚፈጽሙ ወገኖች ለሀገር እንደቆሙ፤ የህዝብ ልጆች እንደሆኑ አድርገው መጮሃቸውና ሀቀኛ መምሰላቸው፤ ሌላው እንዳይናገር በር ይዘጋል፡፡ በበፊት ስርአቶች የእጅእላፊ አሊያም ጉቦ እንዲሁም ብዝበዛ ይባል የነበረው የምዝበራና አገርን የማራቆት ተግባር፣ ዛሬ ሙስና የተባለውን ፤ በልማት እና ትራንስፍሮሜሽን ሲስተም ሃገር የሚያደማ እና የሚያቃጥል ሆኗል፡፡ አገር ትልቅ ለውጥ ላይ ናት፤ ከፍተኛ የትራንስፎርሜሽን ሂደት ላይ ነን እየተባለ፤ በተጭበረበረ የፖለቲካ እና በቅጥር ቁልል የኢኮኖሚ እድገት ፕሮፓጋንዳ እየማሉ በጐን የዝርፊያ የኮንትሮባንድ እና በአንድ ጀንበር ፎቅ ሠርቼ ልደር ዘመናዊ ምዝበራ ይታያል፡፡ ከፖለቲካ እና ፖለቲከኞች የተጠጋጉ ሁሉ በአንዴ ዘጋ/ዘጋች ዛሬ በኢትዮጵያ የተለመደ ቋንቋ ነው፡፡ እንደአንዳንድ የአፍሪካ ሃገሮች ዐይንያወጣ የቀን ተቀን ዘረፋ የሚመጣው ከላይ እስከታች እየተወሳሰበ ያለው ሙስና ፍፁም ወደፈጠጠ ደረጃ ሲደርስ ነው፡፡

አንድም ሙስናው በየአቅጣጫው መሆኑ፤ አንድም ደግሞ ቢሮክራሲያዊ መጠቅለያ መኖሩ እጅግ ሊፈታ በማይችልበት ደረጃ ውስብስብ አድርጎታል፡፡በዚህ ላይ የወያኔ ግለሰቦች አሻጥር ተደምሮበት፣ ከቁጥጥር ውጪ ወደሆነ ደረጃ ተሸጋግሯል፡፡ የኢትዮጵያውያን በሃስት ክስ በየእስር ቤቱ መታጎር፣ የመሬት አሰቃቂ አወሳሰድ፣ ከፍተኛ የኮሚሽንና የድለላ ሥራ፣ አደገኛ ወገናዊ አሠራር…በአስደንጋጭ የድህነት መቀመቅ ውስጥ ያለችውን አገር ከምትሸከመው በላይ ትከሻ አጉብጥ ሸክም ጭኖባታል፡፡ወያኔ ኢትዮጵያን እያቃጠለ ከኔ ጋር ብሩህ ተስፋ እያለ ያብዳል::በትንሹም በትልቁም ነገር ከማበድ ይሰውረን፡፡ የመሞቻ መሣሪያ ከማማረጥ ያድነን፡፡ያኔ በደርጉ ዘመን በሥራው አጋጣሚ በእጁ የገባውን የሕዝብ ገንዘብ ለግል ጥቅሙ በማዋሉ የሚለው የዜና ሐረግ ነበር ሬዲዮንና ቴሌቪዥን ያጣበበው፡፡ ዛሬ በወያኔው ስርአት ዳር እስከዳር በየሰው አፍ የሚወራ ነገር ሆኗል፡፡ ዝርፊያው ዓይነት በዓይነት ሆኗል፡፡ የአንድ ሰሞን ሕዝብ ማዘናጊያ እና ሆያሆዬ ዘገባ ተወርቶም በቀላሉ ይረሳል፡፡ለህዝብ የማይሳሳው የማይጨነቀው ወያኔ ለህብረተሰብ ቀጥተኛ መጥፊያ የሚሆኑ እንደመድሃኒት ያሉ የኮንትሮባንድ ዕቃዎች ባመቸው መንገድ ሁሉ ተበርዘው ከተባዙ፣ ምን ያህል አሰቃቂ የሆነ ዕልቂት እንደሚያስከትሉ መገመት አያዳግትም፡፡ የሚያስገኙት ገንዘብ የትየለሌ፣ የሚፈጁት ህዝብ የትየለሌ!!ይህንን ስርአት በማስወገድ ራሳችንን ነጻ አውጥተን ሃገርን እና ወገንን ማዳን የዜግነት ሃላፊነት መሆኑን ልናውቅ ይገባል::

ሃገራችን እና ወገናችን በጨለማ ውስጥ እየዳከረ ባለበት በዚህ የወያኔ አገዛዝ እያንዳንዱ ኢትዮጵያዊ በመረባረብ የዜግነት ግዴታውን አውቆ ለህዝቦች መብት እና ነጻነት መታገል አለበን። ሃገሪቷ በዚህ አደጋ ውስጥ ባለችበት ሰአት ላይ ህዝብ አጣብቂኝ ውስጥ ገብቶ ለኑሮ ውድነት ለሞት ለስደት እየተዳረገ ኢትዮጵያዊነት እየተዋረደ ከመሆኑም ባሻገር ኢትዮጵያን እያቃጠለ ከኔ ጋር ብሩህ ተስፋ እያለ የሚያጭበረብረውን ወያኔን ከስሩ መንግሎ በመጣል በመቃብሩ ላይ የህዝብን ነጻነት ማረጋገጥ አሌ የማይባልበት ወሳኝ ወቅት ላይ መሆናችንን በማወቅ ከትግሎ ጎን አቅማችን በሚችለው ሁሉ በመቆም ነጻነታችንን ማረጋገጥ ግድ ይለናል::

– ምርጫ በመጣ ቁጥር እንክብካቤው ሰልችቶናል::ህክምና አተን ስንገላታ መች ደረሳችሁልን::የአዊ ነዋሪዎች
– የመኢአድ አመራሮች ከወያኔ የምርጫ ሜዳ ራሳቸውን እያወጡ ነው::ድርጅቱ ምርጫውን ጥሎ ይወጣል::

‪#‎Miniliksalsawi‬ – በምእራብ ጎጃም ዞን ወንበርማ ወረዳ የሚገኙ አርሶ አደሮችን በማዳበሪያ እዳ ምክንያት ፓሊስና የወረዳው አመራር ያለ ፍቤት ትእዛዝ ቤታቸውን እየፈተሸ ከብት ንብረታቸውን እየዘረፉ መሆኑን አንድ ወዳጀ አሁን አስታውቆኛል።አርሶ አደሮቹንም ወደ ማጎሪያ እስር ቤት እየከተቱዋቸው ነው።

ጉልበት ያለውም ቤተሰቦቹን ይዞ በመሰደድ ላይ ነው እንደ ታማኝ ምንጮች ገለፃ ህዝቡ በጣም ተማሯል::።ከ50 ሰዎች በላይ እንደታሰሩ ከአንድ ቀበሌ ብቻ “የርግን” ከምትባል ቀበሌ ለጊዜው ቁጥራቸው የማይታወቁ ሰዎች ሀገር ጥለው ሸሽተዋል::አንድ “ወገዳድ”በሚባል ቀበሌ የሚኖር ሰው እስር ቤት ክቆየ በሁአላ እንደወጣ በድብደባ ብዛት መሞቱ ታውቋል::
የታሳሪዎች ስም:-
1.አርሶ አደር ወርቄ
2. ” አዝመራው
3. ” ስለሽ

የመኢአድ ከፍተኛ አመራር የሆኑት ኢንጅነር ሽፈራዉ ከምርጫዉ ራሳቸዉን ያገለሉበትን ምክንያት አሳወቁ::
የሰሜን ቀጠና ሃላፊ የሆኑት ኢንጅነር ሽፈራዉ ሑሉንም ነገር ወያኔ በተቆጣጠረበት በምርጫ መሳተፍ ለአባገነንነቱ ሕጋዊ እዉቅና ከመስጠት ባሻገር ሰላማዊ ትግል እየተባለ ሕዝብን ከወዲሁ ዉጤቱ በታወቀ ላይ ማድከም እና ሌሎች የሰላማዊ ትግሎች ላይ እንዳያተኩር ማዘናጋት በመሆኑ ነው ብለዋል:: ኢንጅነር ሽፈራዉ ባለፈዉ ትብብሩ በጠራዉ ሰልፍ ላይ በማስተባበር ላይ እንዳሉ ለአንድ ሳንምንት በወያኔ ደህንነቶች ታፍነዉ ተወስደዉ ከፍተኛ ድብደባ እንደተፈጠመባቸዉ ይታወቃል::ለጊዜው ስማቸው ይፋ ያልሆነ አመራሮች ራሳቸውን ከወያኔ የምርጫ ሜዳ ያገለሉ ሲሆን ድርጅቱ ይህን ተከትሎ ምርጫውን ጥሎ ይወጣል ተብሎ እየተጠበቀ ነው::

በተያያዘ ዜና በአዊ ዞን ኮሶበር ከተማ መንግስት ምርጫውን ምክናያት በማድረግ እስካሁን ተኝተው ከርመው አዊ ዩኒቨርስቲን የመሰረት ድንጋዪ አስቀመጡ በተመሳሳይ የኮሶበር ሆስፒታልንም በቶሎ ቶሎ ድንጋይ አስቀምጠዋል::የካቲት አንድ ቀን ህብረተሰቡ ግን እስከዛሬ የት ነበራችሁ ልጆቻችን ተምረው ዩንቨርስቲ መግቢያ ውጤት አምጥተው እሩቅ ቦታ ሲመደቡ አቅም አንሶዋቸው እዚሁ እንደኛው ገበሬ ሆነው ሲቀሩ ልጆቻችንና ባልተበቶቻችን ህክምና አጥተው በመንገድ ሲቀሩ እንዲሁም ምራጫ በመጣ ቁጥር ቃል የገባችሁልን ከዚህ በፊት የት አሉ ብሎዋቸዋል::

የቀድሞው ጠ/ሚኒስተር መለስ ዜናዊ በኢትዮ-ኤርትራ ጦርነት ወቅት አፈጻፀም ሂደት ላይ የነበራቸው አቋም በወቅቱ ከነበረው የጋራ አመለካከት ሊከሰት የሚገባው ተፈጥሮአዊ ክስተት ነው እንጂ አገር ለመጉዳት በማሰብ አይደለም በማለት ጄኔራል ጻድቃን ገ/ትንሳኤ ገለጹት፡፡ ጄኔራሉ ይህንን የተናገሩት፤ በጦርነቱ ወቅት መለስ ለጦር መሣሪያ ግዥ በሚወጣው ገንዘብ መጠን ላይ ተቃውሞ ነበራቸው የሚለውን ስሞታ በመጥቀስ ላቀረብንላቸው በሰጡት ምላሽ ነው፡፡ አንዳንዶቻችን ኤርትራ ልትወረን ትችላለች ብንልም ሌሎች አትወረንም የሚል አመለካከት እንደነበራቸውም ጠቅሰዋል፡፡ የሀገር መከላከያ ሠራዊት ኤታማጆር ሹም የነበሩት ጄኔራል ጻድቃን፡- ጦርነቱ ድንገት የመጣ ቢሆንም የመከላከያ ሀይሉን የማደራጀት ሥራ ሲሠራ የነበረ መሆኑን የገለጹት ጄኔራል ጻድቃን፤ በዚህም ረገድ በአንድ ሚሊየን ፓውንድ ክፍያ የእንግሊዝ ኤክስፐርቶችን በመቅጠር የአየር ሀይል እና የአየር መከላከያ ሲስተም ጥናት መሠራቱን፣ የመካናይዝድ፣ ፓራኮማንዶና ኮማንዶ ሀይሎች ስልጠና እና የመሳሰሉ እንዲሁም የአዲስ ምልምል ወታደር የትምህርት ደረጃ 10ኛ ክፍል እንዲሆን እና የነባሩንም ትምህርት የማሳደግ ተግባራት መካሄዳቸውን አውስተዋል፡፡ እነዚህ ይህም በጦርነቱ ወቅት የሠራዊታችንን ብዛት ከ55,000 ወደ 350,000 ሲያድግ ያንን ሊሸከም የሚችል አቅም እንዲኖር ማስቻሉን አስረድተዋል፡፡ በጦርነቱ ወቅት የሴንትራል ኮማንድ አባል የነበሩት ጄኔራል ጻድቃን፡- መለስ ዜናዊ ለጦር መሣሪያ ግዥ በሚወጣው ገንዘብ መጠን ላይ ተቃውሞ እንደነበራቸውና ‹‹ሌሎች ፕሮግራሞችን ሳናፋልስ ባለው በጀት ጦርነቱን እንፈጽም›› የሚል አቋም እንዳራመዱ ያረጋገጡ ቢሆንም፤ ያ አቋም ግን ሁሉም አመራር ይጋራው ከነበረው ለኢኮኖሚ ቅድሚያ ከመስጠት አመለካከት የሚመነጭ አድርገው እንደሚረዱት እንጂ፤ ‹‹አንዱን ለመወንጀል ሌላውን [ለማመስገን] አልጠቀምባቸውም›› ብለዋል፡፡ የጄኔራል ጻድቃን ገ/ትንሳኤን ሙሉ አስተያየት […]

የደርግ ሥርዐት መገርሰስን ተከትሎ የቀድሞው ሠራዊት እንዲበተን ቢደረግም 9,000 ገደማ ወታደራዊ ኤክስፐርቶች የአዲሱ መከላከያ ሠራዊት አካል ሆነው እንዲቀጥሉ መደረጉን ጄኔራል ጻድቃን ገ/ትንሳኤ አወሱ፡፡ ሰሞኑን ከሆርን አፌይርስ ለቀረበላቸው ጥያቄ በሰጡት ማብራሪያ የቀድሞውን ሠራዊት የመበተን ውሳኔ ድህረ-ምክንያት (rationale)፤ ከአብዮታዊ ለውጥ ርዕዮተ-ዓለማዊ አመለካከት እና ከሠራዊቱ የደርግን ወንጀሎች ፈጻሚ የነበረ ከመሆኑ የመነጨ መሆኑን ጄኔራሉ አብራርተዋል፡፡ የቀድሞ ሠራዊት በመሰናበቱ የተጎዳ ቤተሰብ እንዳለ እንዲሁም የአፈጻጸም ሂደቱን በተመለከተም የሚቀርብ ትችት ሊኖር እንደሚችል እንደሚረዱ ከጠቀሱ በኋላ ውሳኔው በመሠረቱ ግን ትክክል ነበር ብለዋል፡፡ አሁንም መለስ ብለው ሲያስቡትም፤ የቀድሞው ሠራዊት ከአዲሱ የታጋይ ሠራዊት ጋር ተቀላቅሎ ይቀጥል ቢባል ሀገር ሊከላከል የሚችል፣ በኢትዮ-ኤርትራ ጦርነት ዋዜማ ላይ የነበረውን ሠራዊት ያህል ብቃት ያለው ሠራዊት አይሆንም ነበር፡፡ ይልቁንም የተለያዬ የፖለቲካ ሀይሎች የሚጎትቱት ሀይል ይሆን ነበር ብለዋል፡፡ በሌላ ሀገር ሄደው ያጋጠማቸውም ተሞክሮ ያንን አመለካከት እንዳጠናከረላቸው ነው የጠቆሙት፡፡ ይሁን እንጂ ከቀድሞ ሠራዊት ‹‹ክሬም›› የሆነውን ክፍል ወደአዲሱ ሠራዊት እንዲመለስ መደረጉን ጠቅሰው፤ ይህ ተቺዎች የሚዘሉት ሀቅ ነው ብለዋል ጄኔራል ጻድቃን ገ/ትንሳኤ፡፡ የሽግግር መንግስቱ ሠራዊት ቺፍ ኦፍ ስታፍ የነበሩት ጄኔራል ጻድቃን፤ ከቀድሞ ሠራዊት አባላት መሀል ከደህንነት እና ከኢሠፓ መዋቅር ግንኙነት ያልነበራቸው፣ ራሺያ ሄደው የሰለጠኑ፣ 9,000 ወታደራዊ ኤክስፐርቶች – 7,000 ከእግረኛ እና 2,000 ከአየር ሀይል – በአዲሱ ሠራዊት እንዲቀጥሉ ተደርጓል ብለዋል፡፡ በ1983 የህወሓት ታጋዮች ብዛት 85 ሺህ ገደማ የነበረ ሲሆን አዲሱ ሀገራዊ ሠራዊት ሲደራጅ ከ32-35ሺህ የሚሆኑት እንደተሰናበቱም አስታውሰዋል፡፡ የስልጠና፣ የጥናት እና […]

ሌባ ለአመሉ ዳቦ ይልሳል ሆነና ነገሩ ይህንን እንኩአን እዉነቱን ሊነግሩን አልፈለጉም:: በጎነት እና አስተዋይነትን ወደ ርካሽ ፖሎቲካ አዞሩትና እንዴት ብሎ መጠየቅ ልማዱ ላልሆነው ህዝብ “በቅርቡ በአለም አቀፍ ደረጃ ተወዳድራ 20 ሚልዮን የአውስትራልያ ዶላር ተሸለመች” ብለዉት እርፍ::
ቅሌት!

በሪቱን ለማናገር የማሰነው ቡድን ከጎሮቤትም ሆነ ከቅርብ ቤተዘመድ ያገኘዉት ምላሽ የ20 ሚሊዮን ዶላሩን ታሪክ እና በሪቱ አሸነፈች ስለተባለዉ አዋርድ የሚያዉቁት ነገር እንደሌለ ነዉ:: ዛሬም ከአንድ ፖለቲከኛ አፍ የሚወጣውን ሁሉ ምንም ሳያጣራ ልክ ከላይ ከጸባዖት እንደመጣ ቃል ጋቢ አንጥፎ እየሰገደ በእልልታ የሚቀበል ምስኪን ሰው በዚህ በመረጃ ዘመን መኖሩ ያሳዝናል :: እዉነቱ ወዲህ ነዉ::

ነገሩን የመልቦርን ነዋሪ እና በሪቱ ጃለታን በቅርበት የምያዉቃት ጃራ ቦሩ (jaarraa boru) እንዲህ ይገልፀዋል::
ታሪኩ እንዲህ ነው᎗ ባሪቱ ጃለታ(ከመሃመድ አህመድ እና ከክሚያ የተወለደች: የምልኬሳ እና ዳሜሳ እህት:) ከምትኖርበት ሜልበርን ልዩ ስሙ ወራቢ (Werribee) ከምባል ከተማ ለእረፍት ከቤተሰቦችዋ ጋር ሃገር ቤት ሄዳ በነበረችበት ወቅት በመንግስት ምንም ትኩረት ያልተሰጠበትን የጋራ ሙለታን አከባቢ ትምህርት ቤቶች ለመጎብኘት እድሉን ታገኛለች:: ያንን ጉብኝት ካደረገች በኋላ መንፈሷ እረፍት ያጣል:: ነብሷ ትጨነቃለች:: ወደምትኖርበት ሜልበርን (ወራቢ) ስትመለስ በዚሁ ጉዳይ ትታመማለች:: ትምህርቷን መከታተል ይሳናታል:: በየሳይካያትሪስቱ ብትወሰድ ለመንፈሷ ጭንቀት ምንም መፍትሔ ታጣ:: በመጨረሻም በሽታውን ያልተናገረ መፍትሄ አያገኝም በምለው ፕሪንስፕል በመመራት ለትምህርት ቤቷ ፕሪንስፓል (ዳይሬክተር) “ኢትዮጵያ ያሉት ልጆች በሚያፈስ ቤት ውስጥ እንደዚያ አፈር ላይ ተቀምጠው በተጨናነቀ ሁኔታ ሲማሩ አይቼ ደስታ ራቀኝ፣ እንቅልፍ አጣሁ፤ ምግብ እንኳ መብላት አልቻልኩም::” ብላ ስታለቅስባቸው ጊዜ የተለያዩ ገንዘብ የማሰባሰቢያ ፕሮግራሞች ተካሂዶ የተለያዩ መንግስታዊ እና መንግስታዊ ያልሆኑድርጅቶች ተረባርበው የዚህችን ሲበዛ ሰብዓዊነት የተሞላባትን ታዳጊ ወጣት መንፈስ ለመታደግ ባሳዩት ርብርቦሽ አንድ ትምህርት ቤት ለመስራት የሚያስችል ፈንድ ይገኝላታል:: ታዲያ ዶክተሩ እንደዚያ በስንት እንባ፣ ህመም እና ደጅ መጥናት የተገኘውን ገንዘብ የኢትዮጵያ ትምህርት ቤቶች ከውጭ ለሚጎበኛቸው እነኒያ በመንግስት ቸል የተባሉት ትምህርት ቤቶች ምን ያህል ሰዉን እንደሚያስለቅሱ ላለማንሳት እና ፖለቲካቸውን ለማሳመር እንዲመቻቸው ነው የሃያ ሚልዮኑን ቲዎሪ ይዘው ከች ያሉት::
አቶ ቴዎድሮስ ድፍን የሜልበርን ህዝብ የሚያውቀውን ታሪክ መልኩን ስለምን ለመለወጥ ፈለጉ:: የሆነ ሆኖ ዶክተሩን ሳላመሰግናቸው ላልፍ የማልፈልገው ግን ፈንዱን ወደ ትግራይ ሳያዞሩ እንደታቀደው ወደ ጋራ ሙለታ እንዲላክ መወሰናቸውን ነው:: በሪቱን እንኳን ደስ ያለሽ ልንላት ይገባል:: ያበባ እቅፍ ቱላማሪን አየር ማረፊያ ይጠብቃታል:: ዶክተር እርስዎን ግን ታዘብናችሁ::
Dagim Ahunim