አርእስተ ሰበር ዜና:- የቅ/ሲኖዶስ 6ኛ ቀን ውሎ

(ደጀ ሰላም፤ ሜይ 23/2011):-

ጌታቸው ዶኒ አላግባብ ከተሾመበት ሥልጣኑ ተወገደ፤ የሐዋሳ ደ/ም/ቅዱስ ገብርኤል ገዳም አስተዳዳሪም ተነሥተዋል፤ የሁለቱ አድባራት አስተዳዳሪዎችም በቀጣይ በሊቀ ጳጳሱ ውሳኔ እንደሚነሡ ይጠበቃል
‹‹ሹመቱ ከሕግ ውጭ ነው፤ ሕግ ተላልፈዋል፤ ሕግ መከበር አለበት፤ ቤተ ክርስቲያን በሕግ የምትመራ ናትና፤›› (ብፁዕ አቡነ ቀሌምንጦስ)
ፓትርያሪኩ የአዲስ አበባ ሀገረ ስብከት የገዳማት እና አድባራት አስተዳዳሪዎችን፣ ጸሐፊዎችንና ጋዜጠኞችን በመጥራት ለመስጠት ያቀዱት መግለጫ በሲኖዶሱ አባላት ታገደ፤
የመግለጫው ዋነኛ ዓላማ ስለ ታላቁ የኢትዮጵያ ሕዳሴ ግድብ የቤተ ክርስቲያኒቱን አስተዋፅኦ ለመግለጽ ነው ቢባልም የምልአተ ጉባኤው አባላት ባልወሰኑበት ሁኔታ ‹‹የሲኖዶሱን መጠናቀቅ በማስመልከት ነበር›› የሚሉ መረጃዎች እየወጡ ነው፡፡
ምልአተ ጉባኤው ከቀትር በኋላ በሰንበት ት/ቤቶች እና በማኅበረ ቅዱሳን መካከል ባለው ችግር ላይ መነጋገሩን ቀጥሏል::