ሜጀር ጀኔራል ፋንታ በላይ ላገራቸው ሲሉ የሞትን ዕዋ የተቀበሉ ታላቅ ኢትዮጵያዊ ጀግና
ታላቁ ያገር ባለውለታ ጄኔራል መኮንን
በ1927 አመተ ምህረት በበለሳ ወረዳ በሊቦ አውራጃ በጎንደር ክፍለ ሀገር ተወለዱ። የአንደኛና የሁለተኛ ደረጃ ትምህርታቸውን በአዲስ አበባ መድኃኒዓለም ትምህርት ቤት አጠናቀቁ። በ1945 አመተ ምህረት በኢትዮጵያ አየር ኃይል ውስጥ ተቀጥረው ለአንድ አመት ያህል የሬድዮ መገናኛ ትህምርታቸውን ከተከታተሉ በኋላ ወደ በረራ ትምህርት ቤት ተዛውረው በዚ
ህ ዘርፍ ባገኙት የላቀ ውጤት የ«ፌሪ ትሮፌ» ሽልማት ተሸላሚ ሆነዋል።
ከዚያም በአሜሪካን አገር ሴንት ሉዊ ዮኒቨርሲቲ በኤሮኖቲክል አድሚኒስትሬሽን የባችለር ዲግሪያቸውን ያገኙ ሲሆን፤ በዚሁ ዩኒቨርሲቲ ባገኙት ከፍተኛ ውጤት የዩኒቨርሲቲው የክብር ተማሪ በመሆን በማኔጅመንት ሳይስን ዲግሪያቸውን ተቀብለዋል። በትራንፖርት ስኳድሮን በበራሪነት ሰርተዋል። በኢትዮጵያ አየር ኃይል ውስጥ በብዙ ቦታዎችና የኃላፊነት ደረጃዎች ተዘዋውረው ሰርተዋል። በበረራ አስተማሪነት ከማገልገልም በላይ ከአነስተኛ ተዋጊና የመጓጓዣ አውሮፕላን ጀምሮ እስከ ከፍተኛ ዘመናዊ ቦምብ ጣይ አውሮፕላን ያበረሩ የአቬሽን መኮንን ነበሩ።
በ1967 በሁለተኛ አየር ምድብ አዛዥነት፤ በ1969 በአንደኛ አየር ምድብ አዛዥነት፤ በሶማሊያ ወረራ የድሬድዋ ቀጠና የአየር ዘመቻ አስተባባሪና የበላይ አዛዥ እንዲሁም የኢትዮጵያ አየር ኃይል ዋና አዛዥ ሆነው ሰርተዋል። በኢትዮጵያ አየር ኃይል ውስጥ የሰላሳ አራት አመታት ከፍተኛ አገልግሎት የሰጡ ስመጥር የአቬሽን ጀኔራል መኮንን በመሆናቸው የስራ ችሎታቸውና የረጅም ዘመን አገልግሎታቸው ተገናዝቦ «የረጅም ዘመን የአገልግሎት ኒሻን የኢትዮጵያ የመኮንን ደረጃ«፣ የተባበሩት መንግስታት የሰላም አስከባሪ ኒሻንና የየካቲት ስድሳ ስድስት ኒሻን ተሸላሚ ለመሆን በቅተዋል።
ጄኔራል መኮንኑ ግንቦት 8 ቀን 1981 አመተ ምህረት
በመንግስቱ ኃይለማርያም ላይ ተሞክሮ የከሸፈውን የመፈንቅለ መንግሥት ሙከራ በማቀነባበር ከፍተኛ ሚና እንደተጫወቱ ታሪካቸው ያስረዳል። ጄኔራል መኮንኑ መፈንቅለ መንግሥቱን የጠነሰሱት በ1977 አመተ ምህረት ክረምት ላይ በተካሄደው «ዘመቻ ባህረ ነጋሽ» ወቅት እንደነበር መፈንቅለ መንግስቱ ከከሸፈ በኋላ ለምርመራ በሰጡት ቃል አረጋግጠዋል። ዘመቻው ምዕራባዊውን የኤርትራ አውራጃዎች ከሻዕቢያ [EPLF] ነጻ የማውጣት ዓላማ ነበረው። በዘመቻው የኢትዮጵያ ጦር ድል ቢቀዳጅም የተከፈለው መስዋእትነት ከተጠበቀው በላይ ሆኖ ተገኘ። በብዙ ሺ የሚቆጠሩ ወጣቶች [በተለይም በአንደኛው የብሔራዊ ውትድርና አገልግሎት ፕሮግራም የዘመቱ] አለቁ። ጄኔራል መኮንኑ የዚህ አሳዛኝ ትራጄዲ መንስኤ ኮሎኔል መንግሥቱ ኃይለማሪያም በሀገራቸው የጦር መኮንኖች የተወጠነውን የዘመቻ ስትራቴጂ በመግፋት ከሶቪየት ህብረት አማካሪዎቻቸው የተሰጣቸውን እቅድ መተግበራቸው ነው የሚል ድምዳሜ ላይ ደረሱ።
በወቅቱ የኢትዮጵያ አየር ሀይል ዋና አዛዥ የነበሩት እኒህ ጄኔራል መኮንን የዘመቻ ባህረ ነጋሽን ውጤት ሲሰሙ «ይህ ሰውዬ ዘወትር እኛን እየገፋን የሀገራችንን ወጣቶች እንደ ማገዶ እንጨት የሚቆጥሩትን የሶቪየት አማካሪዎችን ሃሳብ የሚተገብረው ለምንድነው? በዚህ ዓይነትስ እስከ መቼ ልንዘልቅ ነው?» እያሉ መፍትሔ የሚሉትን ማሳላሰል ጀመሩ። ብዙ አውጥተው ካወረዱ በኋላ መፍትሄው ሰውዬውን ማስወገድ ብቻ እንደሆነ አመኑ። የታያቸው መፍትሔም በከፍተኛ መኮንኖች የሚመራ መፈንቅለ መንግሥት በመንግስቱ ኃይለማርያም ላይ ማካሄድ እንደሆነ ድምዳሜ ላይ ደረሱ።
ጄኔራል መኮንኑ ኩዴታውን በጸነሱሱበት ማግስት ሶስት ከፍተኛ መኮንኖችን በጉዳዩ ላይ በማወያየት ስምምነታቸውን አገኙ። እነርሱም ሜ/ጄኔራል መርዕድ ንጉሤ [የጦር ሀይሎች ጠቅላይ ኤታማዦር ሹም]፣ ሜ/ጄኔራል ደምሴ ቡልቶ [የሁለተኛው አብዮታዊ ሰራዊት ዋና አዛዥ] እና ሜ/ጄኔራል አበራ አበበ [በሀገር መከላከያ ሚኒስቴር የዘመቻ መምሪያ ሃላፊ] ነበሩ። አራቱ ጄኔራሎች እቅዳቸውን ለተወሰነ ጊዜ በሚስጢር ይዘውት ቆዩ። ይሁንና ሁለት አደገኛ ሀይሎች ሚስጢሩን አገኙት። እነርሱም ኬጂቢ የተሰኘው የሶቪየት ህብረት የስለላ ተቋም እና የደህንነት
ሚኒስትሩ ኮሎኔል ተስፋዬ ወልደ ሥላሴ ናቸው። ኩዴታ ሊደረግባቸው እንደሆነ መረጃው የደረሳቸው ፕሬዝደንት መንግስቱ ኃይለማርያምም ምንም እንኳ ኩዴታው ጎላ ብሎ ባይታያቸውም ጄኔራል መኮንኑን ግን «እንዲያው ለምናልባቱ» በሚል ከአየር ሀይል አዛዥነታቸው አንስተው “የኢንዱስትሪ ሚኒስትር” አድርገው ሾሟቸው።
ማክሰኞ ግንቦት 8/1981አመተ ምህረት የቁርጥ ቀን ሆነ። ጄኔራሎቹ በመጋረጃ ጀርባ ለአራት ዓመታት ሲያንከባልሉት የነበረውን የመፈንቅለ መንግሥት ሀሳብ በዚህ ቀን ወደ ድርጊት ሊቀይሩት ተነሱ። በእለቱ ወደ ጀርመን ዲሞክራቲክ ሪፐብሊክ [ምስራቅ ጀርመን] የሚጓዙትን ኮ/ል መንግሥቱ ኃይለማሪያምን ከሸኙ በኋላ እኩለ ቀን ላይ በሀገር መከላከያ ሚኒስቴር ተገናኙ። ጄኔራል መኮንኑ በወቅቱ በአዲስ አበባ ይገኙ የነበሩትን ዋና ዋና የጦር መኮንኖች ሰበሰቡና ስለመፈንቅለ መንግሥቱ ነገሯቸው።
ጄኔራል መኮንኑ ሰብስበው ስለስዒረ መንግስቱ ሊነግሩ ከሰበሰቧቸው ጄኔራሎች በስተቀር በየትኛውም የስልጣን እርከን ላይ የነበረ የደርግ ሰው ስለስብሰባው ያወቀው ነገር አልነበረም። ይሁንና ከጥቂት ጊዜ ወዲህ የጄኔራሎቹን ጉዳይ ስራዬ ብሎ መከታተል የጀመረው የደህንነት ሚኒስትሩ ስብሰባው “የመፈንቅለ መንግሥት አድማ” እንደሆነ ወዲያውኑ ነበር ያወቀው። ለዚህም የረዱት ሶስት ነገሮች ናቸው። አንደኛ ጄኔራል መርእድ ንጉሤ [ኤታማዦር ሹሙ] በጠዋቱ የፕሬዚዳንት መንግሥቱ አሸኛኘት ፕሮግራም ላይ መገኘት ሲኖርባቸው አልተገኙም። ሁለተኛ የመከላከያ ሚኒስትሩ ሜጀር ጄኔራል ሀይለ ጊዮርጊስ ሀብተ ማሪያም በስብሰባው ቦታ አልነበሩም። በመሆኑም መከላከያ ሚኒስትሩ ያልተሳተፉበት ስብሰባ የርሳቸው እውቅና እንዳልነበረው ለደህንነት ሚንስትሩ ታይቶታል። ሶስተኛ የኢንዱስትሪ ሚኒስትር የነበሩት ጄኔራል መኮንን በስብሰባው ላይ ተገኝቷል። በወቅቱ ሲቪል የነበሩት ጄኔራል መኮንን በዚያ ቦታ መገኘታቸው ለደህንነት ሚኒስትሩ አንድ ፍንጭ ሰጥቷል።
የደህንነት ሚኒስትሩ እነዚህን ነገሮች ካገናዘበ በኋላ በቀጥታ ወደ ብሔራዊ ቤተ መንግሥት በረረና የደረሰበትን ሁሉ የፕሬዚዳንቱ ልዩ ረዳት ለነበረው ሻምበል መንግሥቱ ገመቹ ነገረው። ሁለቱ ሰዎች በነገሩ ላይ ለጥቂት ደቂቃዎች ከተማከሩ በኋላ የመከላከያ ሚኒስትሩን አስጠርቶ መጠየቅ እንደሚበጅ ከስምምነት ላይ ደረሱ። በዚሁ መሰረት ሚኒስትሩ ተጠርተው ሲጠየቁ ስለስብሰባው የሚ
ያውቁት ነገር እንደሌለ ተናገሩ። ሁለቱ ሰዎችም [ሻምበል መንግሥቱና ኮ/ል ተስፋዬ] እርምጃ ከመውሰዳቸው በፊት ሚኒስትሩ ወደ መከላከያ ሄደው ተሰብሳቢዎቹን ቢያነጋግሩ የተሻለ እንደሚሆን ሀሳብ አቀረቡ። ሚኒስትሩም ከአንዴም ሁለቴ መኪናቸውን ወደ መከላከያ ሚኒስቴር እየነዱ ተሰብሳቢዎቹን ለማነጋገር ሞከሩ። ይሁንና በሁለቱም ጊዜያት ከተሰብሳቢዎቹ ዘንድ ለመድረስ አልቻሉም። ይባስ ብሎም የመፈንቅለ መንግሥቱ የዘመቻ መኮንን ተብሎ በተመደበው ጄኔራል አበራ አበበ ተገደሉ።
የጄኔራል ሀይለ ጊዮርጊስ [መከላከያ ሚኒስትሩ] መገደል መፈንቅለ መንግሥቱ ጥርጣሬ ብቻ እንዳልሆነ የሚያረጋግጥ ድርጊት ሆነ። ከዚህ ክስተት በኋላ የዘበኛውን ቱታ አስገድዶ በማስወለቅ ይለብስና ዘበኛ መስሎ ጄኔራል አበራ ከቢሮ ውስጥ ለተሰበሰቡት ጄኔራሎች አድራሻውን ሳያሳውቅ ከግቢው በበር በኩል ወጥቶ ተሰወረ። ቤተ መንግሥቱን የሚጠብቀው የልዩ ጥበቃ ብርጌድም [በተለምዶ አጠራር «ቅልብ ጦር» የሚባለው] ሳይታሰብ የመከላከያን ግቢ በታንክና በብረት ለበስ ከበበው። ከአስመራ በነጀኔራል ደምሴ ቡልቶ አዲስ አበባ ያሉትን መፈንቅለ መንግስት አድራጊ ጄነራሎች ለመርዳት የተላከው የአየር ወለድ ጦርም ለመሪው ለጄኔራል ቁምላቸው ደጀኔ ጥርት ያለ አመራር ስላልተጠው በነመንግሥቱ ገመቹና ተስፋዬ ወ/ሥላሴ በቀላሉ ተጠለፈ። ይሄኔ በመከላከያ ግቢ «ነፍስ ግቢ ነፍስ ውጪ» ሆነ። ለጥበቃቸው አንድ ሻምበል ተጠባባቂ ጦር እንኳ ያላዘጋጁት ጄኔራሎች ተዋከቡ። እዚያው ቡድን አበጅተው መጣላት ጀመሩ። «የህጻን እቅድ አውጥታችሁ እንድናንቦጫረቅ አደረጋችሁን» ተባባሉ።
ከምሽቱ ሁለት ሰዓት አካባቢ ሁሉም ነገር ያበቃለ
ት መሰለ። ለግማሽ ቀን ያህል መከላከያን ከበው የዋሉት የቅልብ ጦር ኮማንዶዎች ወደ ግቢው መግባት ጀመሩ። በዋናው ህንጻ ላይ ወዳለው የሚኒስትሩ ቢሮ ሲደርሱ አስራ ሁለት ጄኔራሎች ተቀምጠው በስጋት ዓይናቸውን ሲያቁለጨልጩ አገኟቸው። ሁሉንም አውጥተው ለሻምበል መንግሥቱ ገመቹ አስረከቧቸው።
ሻምበል መንግሥቱ የተያዙትን ሰዎች ትክ ብሎ ሲያይ አራት መኮንኖች ከጄኔራሎቹ ቁጥር መጉደላቸውን አረጋገጠ። ለኮማንዶዎቹም «እያንዳንዱን ክፍል እየከፈታችሁ ፈትሹ» የሚል ትዕዛዝ ሰጣቸው። ኮማንዶዎቹም በተባሉት መሰረት ክፍሎችን መፈተሽ ሲጀምሩ ከዋናው ህንጻ ምዕራባዊ ጥግ አካባቢ “ድው” የሚል የተኩስ ድምጽ ሰሙ። ድምጹ ወደተሰማበት አቅጣጫ በዝግታ እያማተሩ ሲጓዙም “ድው” የሚል ሌላ ድምጽ ተሰማ። በዚህን ጊዜ ወታደሮቹ ሁለት ረድፍ ሰርተው በጥንቃቄ እያዘገሙ ከቦታው ደረሱ። ሁለት ከፍተኛ ጄኔራሎች ሽጉጣቸውን ጠጥተው ተገኙ። ሜጀር ጄኔራል መርዕድ ንጉሤ- የኢህዲሪ የጦር ሀይሎች ጠቅላይ ኤታማዦር ሹም፣ እና ሜጀር ጄኔራል አምሐ ደስታ- የኢህዲሪ አየር ሀይል ዋና አዛዥ ነበሩ።
ግንቦት 8/1981አመተ ምህረት ከምሽቱ 5፡00 ሰዓት ላይ የኢትዮጵያ ድምጽ ብሔራዊ አገልግሎት [ የአሁኑ የኢትዮጵያ ሬዲዮ] እንዲህ የሚል ዜና አስተላለፈ፤
«በጥቂት ከሀዲ ጄኔራሎች የተካሄደው የመፈንቅለ መንግሥት ሙከራ ሙሉ በሙሉ መክሸፉን የኢህዲሪ የመንግሥት ምክር ቤት ቃል አቀባይ አስታወቁ።» የሚል።
በዚያች ምሽት ሁለት ጄኔራል መኮንኖች የገቡበት ሳይታወቅ ጠፍተዋል። ከአስር ቀናት በኋላ የዘበኛ ልብስ ለብሶ ከመከላከያ ግቢ አምልጦ የወጣው አንደኛው ጄኔራል የነበረበት ቦታ በውስጠ አዋቂ ተደረሰበትና አዳኝ ጦር ተላከበት። ጄኔራሉ በጦር እንደተከበበ ሲያውቅ ጣሪያ ለጣሪያ እየሮጠ ለማምለጥ ሞከረ። ግን አልቻለም። ሰፈሩን በድርብርብ ጦር ያጠረው አዳኝ ጦር የጀኔራሉን የማምለጥ እድል አጨናገፈው። ጄኔራሉም ልክ እንደ ጓደኞቹ ወደቀ። ሜጀር ጄኔራል አበራ አበበ- የሀገር መከላከያ ሚኒስቴር የዘመቻ መምሪያ ሃላፊ የጥይት ራት ሆነ።
ጀኔራል አበራ አበበ ከመሞቱ ከአንድ ሳምንት
በፊት መፈንቅለ መንግስቱን የመሩት ሁለተኛው ጄኔራል መኮንን በራሳቸው ፍላጎት ከተደበቁበት ቦታ ወጥተው ለመከላከያ ሚኒስቴር የጥበቃ ዘቦች እጃቸውን ሰጥተዋል። እኒህ ሰው በዚች አጭር ጽሁፍ እያስተዋወቅኋቸው ያለሁት ጀኔራል መኮንን ናቸው። እኒህ የቀድሞው የኢህዲሪ አየር ሀይል ዋና አዛዥ፣ በወቅቱ የኢንዱስትሪ ሚኒስትር እጃቸውን ከመስጠታቸው በፊት ለሶስት ቀናት ያህል በኮንቴነር ውስጥ ተደብቀው መቆየታቸውን ገልጸዋል። ጄኔራል መኮንኑ ለሶስት ቀናት ያለ ምግብና ውሃ መቆየታቸው ያስደነቀው የአዲስ አበባ ህዝብ በወቅቱ እንዲህ የሚል ስንኝ ቋጥሮ ነበር፤
ፔፕሲ ኮካ ኮላው ከከተማው ጠፍቶ፣
ፋንታ ተገኘ አሉ በኮንቴነር ሞልቶ።
በመፈንቅለ መንግሥቱ ጦስ ከተያዙትና ከሞቱት ጄኔራሎች መካከል ነገሩን ከውጥኑ ጀምሮ የሚያውቁት እኒህ ጀኔራል መኮንን ብቻ ነበሩ። ይሁንና ምርመራ ሲደረግባቸው አጠቃላይ ነገሮችን ከመናገር ውጪ ዝርዝር የሆኑ ጉዳዮችን ከማውጋት ተቆጥበዋል። ጀኔራል መኮንኑ የተናገሩት አንድ ትልቅ ሚስጢር ቢኖር የደህንነት ሚኒስትሩን ከሃዲነት ብቻ ነው። በማዕከላዊ ምርመራ ላነጋገሯቸው ኦፊሰሮች «ሚኒስትሩ ከናንተ ጋር ነኝ ብሎን ነበር፤ እኛም አምነነው በእርምጃችን ቀጠልንበት። በኋላ ላይ ግን ከዳን» በማለት ገልጸዋል። ታዲያ የደህንነት ሚኒስትሩ ይህንን ሲሰሙ እጅግ በጣም በመደናገጣቸው መናገር ሁላ አቅቷቸው እንደነበር በወቅቱ በቦታው የነበሩት መርማሪዎች ተናግረዋል።
በመጨረሻም ከሁለት ወር የእስር ቆይታ በኋላ እኒህ የመፈንቅለ መንግስቱ ጠንሳሽ ጄኔራል መኮንን ከነሚስጢራቸው ተገደሉ። ሀምሌ 13/1981 አመተ ምህረት ከቀኑ ስድስት ሰዓት ላይ የኢትዮጵያ ድምጽ ብሔራዊ አገልግሎት እንዲህ የሚል ዜና አስተላለፈ፤
«በግንቦት 8/1981 አመተ ምህረት ተካሂዶ የከሸፈውን የመፈንቅለ መንግሥት ሙከራ ያቀናበሩት ከሀዲው ጄኔራል መኮንን ጠባቂያቸውን በካራቴ መትተው ለማምለጥ ሲሞክሩ በሌሎች ዘቦች ተገደሉ።» የሚል።
እኒህ በግፍ የተገደሉ የአገር አለኝታ ጄኔራል መኮንን ሜጀር ጄኔራል ፋንታ በላይ ይባላሉ። ሜጀር ጀኔራል ፋንታ በላይ የሁለት ልጆች አባትና ላገራቸው ሲሉ የሞትን ዕዋ የተቀበሉ ታላቅ ኢትዮጵያዊ ጀግና ናቸው። የኒህ ታላቅ ሰው ፎቶ ከዚህ ጽሁፍ ጋር ተያይዞ የተለጠፈው ነው!
What is the criteria of hero?do you knew how many youngsters die because of this guy?.poor Ethiopia!!!. We have many Hero such as,pm Meles Zenawi,Abebe Gelaw,all runners,Hilemedhen Abera…H.H.HH.HH
በጣም ተጋነነ በ50አለቃ ሲመራ የኖረ ጀኔራል ታሪክ…የኔን ታሪክ ብታገኘውማ ጉድ ነው
Ha hahahaha!!!!!!!!!
It was v simple to accomplish the coup leave alone by the generals it might be done by non commissioned officers
Abo Tewuna yalefe neger eyanesachehu atakatlun okay!!!!!
That is why we ETHIOPIANS we couldn’t succeed because all ways some of us from any group have a wishy washy or leaking ass personality.
look what happened to the traitor. he died in woyane prison. the petty dictator who gave the country to the woyane wolves has been hiding in Zimbabwe. i do not know why woyane does not erect a statue for him.unlike mengistu, this general is a hero because he fought the somali occupying force to save the country. i wish that coup succeeded because the country would not have been in the mess she is in right now.
First of all I appreciated Minilike Salesawie for remembering us the man deserved to be remembered as part of Ethiopian history in the modren day. However General Fanta himself said a lots of things about the aim of the CUDATTA and what he wanted to achieved from the change for his own country Ethiopia. It is unforgettable that General Fanta Belay was said with out any fear in the precence of Presedant Mengestu Hilemariam ” Our country will not countniou under continuous war zone” ” The gurela warriors must come and set dawn with us to discuss as part problem and to make common ground solution” …. At least these glorious words must be well expressed and addressed on this gentele man as additional remarkable and fuctual life history because these statements are still the coroner stone to govern the modren socity In a democratic principle.
If Crasmatic Genera Fanta Belaye was successful;
1. The Ethiopian national army couldn’t displaced or disappeared
2. Eritrea might not separate from Ethiopia because at least Ethiopian people may have a chance to vote.
3. After all the war between Ethiopia and Eretrea might not happened.
This kind of over all posible hypothesis must be included in the life history the visionary General.
Thank You!!!
The intelligent Heneral was a hero and a humanist. HE WAS ONE OF THE BEST STUDENTS IN ETHIOPIA.
He was Atse Tewdris of his time!
Hero is some body who achieve success. The general is the main man for the death of a lot of military officers. His plan was luck of thinking and analise.
YA
የሚያሳዝነው አለማወቃችንን አላማወቃችን ነው፡ ያላመንበትን ነገር ከማኮሰስና ከማጥላላት መተዉ ይሻል ነበር፡ እኛ ዳግም ብንወለድ እንኳን እሳቸውን ልንተካ አንችልም ፡ ወደድንም ጠላንም እንደነዚህ የመሰሉ
ጀነራሎችን በማጣቷ ሀገሪቷ ታሪኳ ላንዴና ለመጨረሻ ጊዜ ተቀይሯል፡ ያለነውና የምንኖረውም ቢሆን
ተምረናል አውቀናል እንላለን እንጂ ትምህርት ቀርቶ ት/ቤት በጭንቅላታችን ላይ ቢሰራ እንኳን ለራሳችን
መሻሻልና ከሌላው በልጦ ለመገኘት እንጂ ለሀገሬ ለወገኔ የሚል ትውልድ የለም ቢኖሩም ይናቃሉ ይተቻሉ
ግን ለሁሉም ጊዜ አለውና መጠበቁ ይበጃል፡፡
I presonaly not satisfy with General Fanta Belay life history sound under cover disrespecting rather than telling the famiose history of the patriot General Fanta Belaye.
none of you fucken burger destended -stomach has any merit to talk about major general Fanta Belay.Who the fuck are you and what do you know about military science ? General Fanta lived what he believed in and gave his life so Ethiopia could get out of this shitty and endless quagmire of fratricidal war cycle.መንጋ ምቀኛ የጀግናን ታሪክ ምንም ታህል ሊቀይረው አይችልም.This is what you are good at.Dectracting the heroes’ merit.Go and watch the interrogation he was going through by the derg’s security and did not even give them the slightest hint.መንጋ ቅዘናም የጀግና ክብር ማክዶናል በወጠረው መፍዙዝ ጀሌ ሊቀነስ አይችልም።ጀኔራሉን ለመተቸት ማነኛችሁም ብቃትም ችሎታም የላችሁም።አፍና ደጃፍ እኩል ይከፈታል ካልሆነ በስተቀር።Bunch of ass holes ! ! !
Many have indicated that the attempt to overthrow the Dergue regime was poorly coordinated resulting the loss of experienced Generals such as General Fanta Belay. The Generals made a fatal mistake by not securing the Defense Ministry and by failing to arrest Mengistu Gemechu. The Generals should have first taken over the national palace and thereby neutralize the threat from Mengistu’s special force. Some say that the outcome to unseat the Dergue regime could have succeeded if the Generals were to consult General kassaye Chemeda, who is still alive.
ለተቀማጭ ሰማይ ቅርቡ ነው ! !
What do you mean when you say “ለተቀማጭ ሰማይ ቅርቡ ነው”? Are you responding to any of the comments? or are commenting on the article? It is unclear. You need to make specific points with rationals and reasonable arguments. Anything short of that makes no sense to me.
The writer know what he is talking about. This specific comment makes sense too. Blatant dismissing others’ comments is a sign of weakness.
ማን ይናገር የነበረ ማን ያርዳ የቀበረ
The writer knows what he is talking about. This specific comment makes sense too. Blatant dismissing others’ comments is a sign of weakness.
ማን ይናገር የነበረ ማን ያርዳ የቀበረ
He was sroundred by untrested Generals how could he share very sensitive information for every one. His plan was to over throughu presedant Mengestu with out any life sucrifay and damage or with out the voice of any bullet and distracting the public day to day activity in the center of Addis. It was every wise military strategy but unfortunate.
The life history of General Fanta Belaye written by so called Menilike not informative but fare from the reality the required part of the life history purposely excluded. this life History is as it was already commented above by so called TATEKE it look like delivertly under covered disrespecting the charismatic General. The writer must be rethink twice befor write this kind of matter, no need to comparison one General to an other. if you want to write the life history of one spesefic person just focuse on it. I would like to say much more I stop here. Thank you!!
The writer has a true information. But, he is trying to dis-respect Abera Abebe by calling him ante while calling others antu.Abera Abeba was one of Ethiopia’s best generals, many agree he was the best of the best. Even shaabias respect his horoism.Abera needs a respect.
Aye Derge ena wyane ye Ethiopian hezbe chresut ye Ethiopian hezbe meche new triew mengest yemagehue
Aye Derge ena wyane ye Ethiopian hezbe chresut ye Ethiopian hezbe meche new triew mengest yemagehue