Amharic, Amharic News

አርቲስት ሰብለ ተፈራ በመኪና አደጋ ህይወቷ አለፈ

32 Comments Tagged with

Actress Seble Tefera died in car accident in Addis Ababa Ethiopia 12 Sep 2015

አዲስ አበባ፣ መስከረም 1፣ 2008 (ኤፍ.ቢ.ሲ) አርቲስት ሰብለ ተፈራ አዲስ አበባ ውስጥ ዛሬ 8 ሰዓት አካባቢ ከጎተራ ወደ ሳሪስ ጎዞ ስታደርግ ንፋስ ስልክ ቀለም ፋብሪካ አካባቢ በደረሰባት የመኪና አደጋ ህይወቷ አልፏል።

የአደጋ መርማሪውን ዋቢ አድርገው የአዲስ አበባ ፖሊስ ፖሚሽን የህዝብ ግንኙነት ባለሙያ ምክትል ኢንስፔክተር አሰፋ መዝገቡ እንዳሉት፥ የትዳር አጋሯ አርቲስት ሰብለን ከጎኑ አድርጎ እያሽከረከራት የነበረችው ቪትዝ መኪና በተጠቀሰው አካባቢ በሚገኝ ቁልቁለታማ ቦታ ከቆመ ሌላ ተሽከርካሪ ጋር በመጋጨቷ ነው አደጋው የተከሰተው።

መኪናዋ ተፈናጥራ በድጋሚ የቆመውን መኪና መግጨቷ አደጋውን የከፋ እንዲሆን እድርጎታል።

አርቲስት ሰብለ በወቅቱ ክፉኛ በመጎዳቷ ወዲያውኑ ሳሪስ አካባቢ በሚገኘው ዘንባባ ሆስፒታል የህክምና እርዳታ ቢደረግላትም ህይወቷ ሊተርፍ አልቻለም።

ሞገስ የተሰኘው ባለቤቷ በአደጋው የከፋ ጉዳት እንዳልደረሰበትም ነው የተገለፀው።

አርቲስት ሰብለ በተለይም በፋና ብሮድካስቲንግ ኮርፖሬት በተከታታይ ሲቀርብ በነበረው የ “ትንንሽ ፀሃዮች” ድራማ “የእማማ ጨቤ”ን ገፀ-ባህርይ በመላበስ ተወዳጅነትን አትርፋለች።

በተጨማሪም በኢትዮጵያ ብሮድካስቲንግ ኮርፖሬሽን ቅዳሜ ምሽት እየተላለፈ በሚገኘው “ቤቶች” ተከታታይ ድራማ ላይ “ትርፌ” በተሰኘው ገፀ-ባህርይ ትታወቃለች።

ሰብለ በተለያዩ ፊልሞች እና ተውኔቶች ላይ በመተወንም ተወዳጅነትን ካተረፉ ወጣት አርቲስቶቻችን ተጠቃሽ ናት።

በጥላሁን ካሳ

32 Comments on “አርቲስት ሰብለ ተፈራ በመኪና አደጋ ህይወቷ አለፈ”

  20. በሰማዉ ግዜ በጣም ደነገጥኩ በጣም ያዛስናል።በአካል ከእኛ ብትለይም ስራሽ ሁሌ ከእኛ ጋሪ ይኖራል።

    Reply

  32. ይህ የወያኔ የመሠረተ ልማት ኢንጅነሪንግ ምንኛ ህዝቡን ለ24 አመት

    በመኪና አደጋ ሠለባ እየሆነ መሆኑን እያየን ነው ህጉ በማይፈቅደው መልኩ

    ከባድ ተሽከርካሪ አግባብ በሌለው ቦታ ፖርኪንግ እያረጉ በርካታ ችግሮች

    ይፈጠራሉ ትራፊክ ታርጋቸውንም እንዳይፈታም ቀድመው ሹፌሮቹ ይፈቱታል
    ይህ ጥፈት ከወያኔ የቁጥጥርና የዲዛይን ችግር የመነጩ ናቸው የሀገራችን

    መንገዶች በቀንም በጭለማም ከፍተኛ የኢኮኖሚና የሀገር ሀብት ምንዛሬ

    ከክቡር የሠው ህይወት በመቀጠል ጥፈትን ያመጡ የመሠረተ ልማት

    ግንባታዎች እድገትን አምጭ ሊባሉ ፈዕሞ አይገባም።

    ማሥታወሻ : አሁን በቦታው ላይ P የሚል ምልክት የለም ለመታዘብ ሠሞኑን ወያኔ ምልክቱን እንደሚተክል ታያላችሁ ልብ በሉ።

    RIP

    Reply

Leave a Reply

Your email address will not be published. Required fields are marked *

*