እንደንጉሡ አታጎንብሱ

ፕሮፌሰር መስፍን ወ/ማርያም

(ፍትህ እትም ቁጥር 176 አርብ የካቲት 16 2004 ዓ.ም.)

መንግሥት ለሚባለው ድርጅት የመጨረሻው ተጠያቂ ጠቅላይ ሚኒስትሩ ነው፤ ጠቅላይ ሚኒስትሩ ስለ‹‹መንግሥት ሌቦች›› በአደባባይ ሲናገር ከሌቦች ጋር እየሠራ በመሆኑ እንድናዝንለት ነው? ወይስ ምን እንድናደርግ ነው? ሰዎቹን እንዳንቆጣለት ስማቸውን አልነገረንም፤ ከዚያም በላይ የሚያስፈራው ማፈኛ የሽብርተኛነት ክስ አለ፤ ሰሞኑን በኢንተርኔት የሚሰራጨው ወሬ ታላላቅ ባለሥልጣኖች የሚያሠሩዋቸው ስለተባሉት ታላላቅ ሕንፃዎች ነበር፤ ስደት ለወሬ ይመቻል እንደሚባለው አጉል ጉረምረም መስሎን ነበር፤ አሁን ጠቅላይ ሚኒስትሩ አምርሮ ስለ‹‹መንግሥት ሌቦች›› የሰጠው ምስክርነት ወሬውን ያጠናክረዋል።