በስልጤ ዞን የሂጃብ ገፈፋውን በመቃወም በአደባባይ ተቃውሟቸውን ሲያሰሙ እንደነበር ተገለፀ::

በስልጤ ዞን በሁልባራግ ወረዳ ዋና ከተማ በሆነችው ኬራቴ በተሰኘው ከተማ ከቀናት በፊት በሰላማዊ መንገድ መብታቸውን የጠየቁ ተማሪዎች እና ህፃናትን በሃይል በመደብደብ እና ጥይት በመተኮስ ለመበተን ጥረት መደረጉ ተዘግቧል፡፡

ተማሪዎች ላይ እየተወሰደ የሚገኘውን የሃይል እርምጃ የአካባቢው ነዋሪዎች በሰላማዊ መንገድ የተቃወሙ ሲሆን የመንግስት ታጣቂ ሃይሎች ግን ህዝቡን በዱላ በመቀጥቀጥ መበተናቸው መዘገቡ ይታወሳል፡፡፡

በዛሬው ዕለትም በሁሌባራግ ወረዳ በሁልባራግ 2ኛ ደረጃ ት/ቤት ሂጃባችሁን አውልቃችሁ ተማሩ መባሉን ተከትሎ ተማሪዎች ት/ ቤቱን ለቀው በመውጣት በከተማው አደባባይ ላይ መብታችን ይከበር ፣የሂጃብ ገፈፋው ይቁም ” የሚሉ መፈክሮችን እያሰሙ መዋቸው ተዘግቧል፡፡

ውረጥቱም በዛሬው ዕለት ተባብሶ የቀጠለ ሲሆን ፖሊሶች ወረዳውን በመክበብ ሙስሊሙን ሲደበድቡ እንደበር ታውቋል፡፡ በዚኅ ድብደባም በርካቶች መጎዳታቸው የተዘገበ ሲሆን መንግስት የሃይል አማራጮችን መፍትሄ አድርጎ እየወሰደ እንደሚገኝ ተገልፆል፡፡
ፍትህ ራዲዬ / ጥቅምት 17/2008 ۩○◙◙○◙◙○◙◙○◙◙○۩