የወያኔ አዲሱ ካቢኔ ተሿሚዎች

(ሪፖርተር) — በትናንትናው ዕለት በመለስ ዜናዊ አቅራቢነት የአዲሱ ካቢኔ ዕጩዎች ሹመት በሕዝብ ተወካዮች ምክር ቤት ሲፀድቅ፣ ዘጠኝ የቀድሞ ሚኒስትሮች በአዲሱ ካቢኔ አልተካተቱም፡፡ የቀድሞው ምክትል ጠቅላይ ሚኒስትር አቶ አዲሱ ለገሠ በቅርቡ መሰናበታቸው በኢሕአዴግ 8ኛው ጉባዔ ላይ በመገለጹ፣ በመንግሥት ሥራ እንደማይቀጥሉ ታውቋል፡፡ የቀድሞው የአቅም ግንባታ ሚኒስትር አቶ ተፈራ ዋልዋ በብአዴን ድርጅታዊ ጉባዔ ላይ ‹‹በቃኝ›› በማለታቸው እሳቸውም በአዲሱ ካቢኔ ውስጥ የሉበትም፡፡ የቀድሞው የውጭ ጉዳይ ሚኒስትር አቶ ሥዩም መስፍንም እንዲሁ በአዲሱ ካቢኔ ውስጥ ምደባ አልታዩም፡፡

የቀድሞ የንግድና ኢንዱስትሪ ሚኒስትር አቶ ግርማ ብሩ፣ የሥራና ከተማ ልማት ሚኒስትር ዶ/ር ካሱ ኢላላ፣ የውኃ ሀብት ልማት ሚኒስትር አቶ አስፋው ዴንጋሞ፣ የባህልና ቱሪዝም ሚኒስትር አምባሳደር መሐመድ ድሪር፣ የሠራተኛና ማኅበራዊ ጉዳይ ሚኒስትር አቶ ሐሰን አብደላና የሴቶች ጉዳይ ሚኒስትር ወ/ሮ ሙፊያት ካሚል በአዲሱ ካቢኔ ውስጥ የሉበትም፡፡

አቶ አዲሱ ለገሠ፣ አቶ ተፈራ ዋልዋ፣ አቶ ሥዩም መስፍንና አቶ ግርማ ብሩ ቀደም ሲል በአዲሱ ካቢኔ ውስጥ እንደማይካተቱ ሲነገር የነበረ ቢሆንም፣ የተቀሩት ሚኒስትሮች የቀድሞ መሥርያ ቤቶቻቸው በአዲስ አወቃቀር ሲደራጁ በሌሎች አዳዲስ ሚኒስትሮች ተተክተዋል፡፡

የአዲሱ ካቢኔ ሹማምንት ዝርዝር እንደሚከተለው ነው፡-