መለስ ዜናዊ በማን ይተካል?
ከተስፋዬ ገ/አብ
ወቅታዊውን የኢትዮጵያ የፖለቲካ የሃይል አሰላለፍ በመገምገም፣ “መለስ ዜናዊ! – በማን ይተካል?” ለሚለው ጥያቄ ምላሽ መስጠት በርግጥ ቀላል አይደለም። በቅድሚያ ግን “በርግጥ መለስ ዜናዊ ስልጣኑን ይለቃል?” ብሎ መጠየቅ ይገባል። መለስ ዜናዊ፣ “ከሁዋላ ሆኜ ማገዜ ባይቀርም፣ እለቃለሁ” ብሎ ደጋግሞ ነግሮናል። ተቃዋሚዎች በበኩላቸው፣ “መለስ እለቃለሁ ቢልም ባይልም አፍንጫውን ተይዞ ይለቃል” ሲሉ ቁጣ ባዘለ ድምፅ እየገለፁ ነው። የሆነው ሆኖ በራሱ ፍላጎትም ሆነ ተገዶ መለስ ስልጣኑን መልቀቁ የማይቀር ከሆነ ቀጣዩ የኢትዮጵያ መሪ ማን ይሆናል? በዚህ ርእሰ ጉዳይ ላይ ተንትኖ የፃፈ አላጋጠመኝም…
ስዬ እና ብርቱካን…?
ሁለቱ የፖለቲካ ሰዎች (አይን ካረፈባቸው) የቀጣዩ ዘመንየኢትዮጵያ መሪዎች መካከል መሆናቸው ይወሳል። መቼም አሜሪካኖች ለኛ ካላቸው የተቃጠለ ፍቅር የተነሳ፣ የአፍሪቃ ቀንድችግር ያሳስባቸዋል። በፖለቲካውም በረሃቡም መሃንዲስና በጎአድራጊናቸው። “የኢትዮጵያ ፖለቲከኞች ተጣምረው አንድ ሃይል መሆንአቃታቸው እንጂ ባገዝናቸው ነበር” ሲሉ ማማረራቸው ብዙ ጊዜ ይሰማል። ያሬድ ጥበቡ የበረከትን መፅሃፍ በተቸበት መጣጥፉ፣ “የስዬና የአሜሪካኖችን መቀራረብ” በጨረፍታ አጫውቶናል። በይስሃቅ ኤፍሬምና በብርቱካን ሚደቅሳ መካከል “የቀጠለው”ግንኙነትም እንዲሁ ርእሰወግ ሆኖ ሰነባብቶአል። የስዬ አብርሃ አስፈላጊነት በአሜሪካኖቹ ከታመነበት ቆየ። ስዬ በህወሃትና በተቃዋሚዎች መካከል ድልድይ እንዲሆንላቸው ይፈልጋሉ። ሰራዊቱንም እንደነበረ ያቆይላቸዋል። ጄኔራል ሳሞራን ከላይ ነጥሎ በማንሳትብቻ የሰራዊቱን መዋቅር እንደነበረ ለማስቀጠል፣ ስዬ ሁነኛ ምርጫቸው ነው። የከፋ ነገር ከመጣ መለስም ቢሆን በዚህ ይስማማል። ስዬን በቀጥታበመለስ ቦታ ማስቀመጡ ግን አስቸጋሪ ነው። ብርቱካን ከላይ ብትሆን ሚዛኑ ሊጠበቅ ይችላል። ሴት መሆኗ እና የገነባችው ስም፣ የወጣች በትማህበረሰብ ሁሉ ሚዛናዊ ያደርጋታል” ይላሉ። ማሰብ ችግር የለውም። ምን ችግር አለው?
ሃይሌና መሃመድ….?
ሃይሌ ገብረስላሴና መሃመድ አላሙዲ ጠቅላይ ሚኒስትር ለመሆን ያስቡይሆን? ሁለቱም ከጀርባ ግፊት አለባቸው። የኛ ሰው መቼም ክፉና ተንኮለኛ ነው። ከፈገግታ ጋር ወደ ጆሮ ጠጋ ብሎ ማሳሳት ይችልበታል። “ሼክ መሃመድ… ህዝቡ እኮ ‘እሳቸው ቢመሩን ይሻል ነበር’ እያለ ነው። ቢያስቡበት ጥሩ ነው…” “ሃይሊሻ! ለምን አትወዳደርም? የላይቤሪያው ጆርጅ ዊሃ እንኳ ተወዳድሮአል። ህዝቡ ግልብጥ ብሎ ነው የሚመርጥህ…” ታምራት ላይኔ ጠቅላይ ሚኒስትር በነበረ ጊዜ ይህንኑ የአላሙዲ ፍላጎት አጫውቶኝ ነበር። ቃለመጠይቅ አድርጌው ካበቃን በሁዋላ ስናወጋ፣ “የሼኩ የረጅም ጊዜ እቅዱ ወደ ፖለቲካው መግባት ነው። ከሆነለት አገሪቱን መምራት ይፈልጋል” ብሎ እንደነገረኝ አስታውሳለሁ። አሁን እንኳ አሳቡን ሳይለውጥ አልቀረም። በወርቅ ቁፋሮ ተጠምዶአል። ከእለታት አንድ ቀን የኢትዮጵያ ህዝብ ከእንቅልፉ ሲነቃ፣ ትልልቅ ባዶ ጉድጓዶችን ያገኛል። የሃይሌ ገብረስላሴን ጠቅላይ ሚኒስትር የመሆን ጉዳይ ለመለስ በጥያቄ መልክ አቅርበውለት ነበር። “…ይህን በተመለከተ ከሃይሌ ጋር አላወራንም” ሲል መልስ ሰጠ። አያያዘናም የማስጠንቀቂያ ወንድማዊ ቃል አከለበት፣ “….ሃይሌ ፖለቲካ ውስጥ ገብቶ ውጤታማ ይሆናል ወይስ አይሆንም የሚለውን ለመፍረድአልችልም። ሆኖም ወደ ፖለቲካ የመግባት ሙሉ መብት አለው…” በውነቱ መለስ ሃይሌን ደግ መክሮታል። ሁለቱ ታዋቂ ሰዎች ከቀጣዩ ዘመን የጠቅላይ ሚኒስትርነት የስም ዝርዝር ላይ እጃቸውንም ሆነ ስማቸውን ባያስገቡ ይጠቅማቸዋል። ይልቁንመለስን በመምከርና ታሪካዊ ምርጫ አካሂዶ፣ ታሪክ እንዲሰራ ቢያግባቡት እነርሱንም ታሪክ ሲያስታውሳቸው ይኖራል።
እነ ተወልደ…?
“እነ ተወልደ” በሚል ተውላጠ ስም ከሚታወቁት መካከል እንደገና አንሰራርቶ ወደ ስልጣን የሚመለስ ሊኖር ይችላል? አይመስለኝም። እነ ተወልደ ከፖለቲካው ርቀዋል። ለነገሩ ባመለካከትም ተለያይተዋል። ልዩነታቸው በፈረደባት ኤርትራ ዙሪያ ነው። ተወልደ ከመለስ ጋር የከረረ እልህና ፀብ ቢኖረውም፣ በአሰብና በኤርትራ ሉአላዊነት አጀንዳ ላይ አሁንም በአቋሙ ላይ እንደፀና መሆኑ ይሰማል። የስዬ፣ የገብሩና የጆቤን ቅስቀሳ፣ እንደ ደጋፊ መፈለጊያ ብቻ የያዋል። አለምሰገድ ገብረአምላክና ሰለሞን ጢሞም በተመሳሳይ በተወልደ መንገድ በመጓዝ ላይ ናቸው። ቀሪዎቹ የህወሃት አንጋፋዎች ወደ ቢዝነሱ አለም ገብተዋል። ፃድቃንና ጃማይካ፣ “ራያ” የተባለውን ቢራ ለመገንባት እንቅልፍ አጥተዋል። ፃድቃን ከደቡብ ሱዳን ያገኘውን ገንዘብ ወደ ማሌዢያ ባለማሸሸቱ ሊመሰገን ይገባዋል። ሃይለኛ እና ተሳዳቢ የነበረው ቢተው በላይ እንኳ፣ እንዲህ ረግቦ በቢዝነሱ ላይ መወሰኑ ያስደንቃል። ታስሮ ከተፈታ ወዲህ ፀጥተኛ ሆኖአል። አሁን አሁን፣ እስርቤት ገብተው የሚወጡ ፖለቲከኞች ጠባያቸው ለምን እንደሚለወጥ ሊገባኝ አልቻለም። የሚወጓቸው መርፌ ይኖር ይሆን? በጥቅሉ እነ ተወልደ ከወደፊቷ ኢትዮጵያ ላይ እጃቸውን ያነሱ ይመስላሉ። መልካም የጡረታ ዘመን እንመኝላቸዋለን።
ፍሰሃ እሸቱ….?
ፍሰሃ በግልፅ ቋንቋ፣ “ስልጣን አልፈልግም” ብሎ ተናግሮአል። አያይዞም፣ “እንደ ማርቲን ሉተር ኪንግ ነፃነት የሚገኝበትን አቋራጭ መንገድ ላሳያችሁ ነው የመጣሁት” ብሎናል። እንደ ፍሰሃ እቅድ በውጭ አገር የተበተኑትን እና በነገር ካራ ርስበርስ የሚወጋጉትን ተቃዋሚዎች በማስታረቅ በመጪው ሰኔ ወር ላይ አንድ ካውንስል ያቋቁማል። ከፖለቲካ ርቆ የተቀመጠውን ኢትዮጵያዊ ሁሉ ማንቀሳቀስ እንደሚችልም በርግጠኛነት አብራርቶአል። ያን ጊዜ፣ እንደ ፍስሃ ህልም 50 ሺህ ኢትዮጵያዊ ተቃዋሚ “እንደ ቆላ ወፍ – እንደ ግሪሳ” ዋሽንግተን ዲሲ ነጩ ቤተመንግስት ደጃፍ ላይ ይጥለቀለቃል። ይህ ሲፈፀም፣ አሜሪካና መላው አለም የኢትዮጵያን ህዝብ የነፃነትና የዴሞክራሲ ጥያቄ ማዳመጥ ይጀምራል። 50 ሺህ ተቃዋሚ እንደ ግሪሳ ዋሽንግተንን ሲያንቀጠቅጣት በኢትዮጵያም በተመሳሳይ አመፁ ይፈነዳል። እናም አፋኙ የመለስ ስርአት በመጪዎቹ ስድስት ወራት፣ (ከመስከረም 2012 ወዲህ) የስልጣን እድሜው ያበቃለታል። ካውንስሉም የሽግግር ሂደቱን ተረክቦ ቀጣዩን የምርጫ ስርአት ይዘረጋል።
መቸም ፍሰሃ እሸቱ በቃል እንዲህ ቀለል አድርጎ እንደተነተነው በተግባር መፈፀም ከቻለ፣ እሱ “ስልጣን አልፈልግም” ቢልም የኢትዮጵያ ህዝብ፣ አስገድዶ የጠቅላይ ሚኒስትርነቷን ወንበር ያስረክበዋል። እንግዲህ በቅርቡ ደግሞ “ከፍሰሃ ጀርባ እነ አጅሬዎቹ አሉ” የሚል ሹክሹክታ ያነበብኩ ይመስለኛል። ከሆነ በርግጥ ሊሳካለት ይችል ይሆናል። የሆነው ሆኖ ፍሰሃ ራሱን ከወደፊት እጩ መሪዎች አንዱ አድርጎ ፈጥሮአል…
ብርሃኑና አንዳርጋቸው…?
ብርሃኑ ነጋ እና ግንቦት 7 የስልጣን ፍላጎት እንደሌላቸው ገና ከመነሻው ግልፅ አድርገዋል። ይህን አባባል ግን ተቀብዬው አላውቅም። በፕሮግራማቸው መሰረት ትግሉን መርተው ድል ማድረጉ ከተሳካላቸው በወደፊቱ ዴሞክራሲያዊ ምርጫ ሳይወዳደሩ ዳር ላይ ይቆማሉ ተብሎ አይታሰብም። እንደምናየው የተከተሉት የትግል አቅጣጫ ፈተና የበዛበት ሳይሆን አልቀረም። እንደ ድመት 9 ነፍስ ያላቸው ይመስል፣ የሞት ፍርድ ሜዳሊያ ተሸክመዋል። ከወያኔ እስርቤት የተከተቱ ብዙ አባላት አላቸው። በተግባርም ሆነ በፕሮፓጋንዳው ወያኔን በብርቱ እየተፈታተኑት ነው። የትጥቅ ትግል የሚከተሉ እንደመሆናቸው፣ ምን እየሰሩ እንዳሉ ማወቅ አይቻልም። ብዙውን ጊዜ ምን እየሰሩ እንዳሉ የሚነግረን ወያኔ ነው። “ሊገሉኝ ነበር – ያዝኳቸው! ሊያፈነዱ ነበር – አከሸፍኩት!” ይለናል። ከከማል – ኦነግ፣ ከአፋርና ከህብረብሄራዊ ድርጅቶች ጋር የጋራ ግብ ነድፈው በመጓዝ ላይ ናቸው። በመሆኑም ብርሃኑ እና አንዳርጋቸውም መጪዋን ኢትዮጵያ ለመረከብ አማራጭ ሆነው ይታያሉ…
አረጋዊና ግደይ…?
አረጋዊና ግደይ ህወሃትን መስርተው ሲያበቁ ከህወሃት ተባረሩ የፖለቲካ ሰዎች ናቸው። ስለሁለቱ ሰዎች ሳስብ በሚዲያ ብቻ ከሚያደርጉት አስተዋፅኦ ባሻገር፣ ለምን ወደ መሬት ወርደው እንደማይንቀሳቀሱ አላውቅም። “ደሚት” በሚል ስም የሚጠሩትን የትግራይ አማፅያን ለምን ማግኘት እንደማይፈልጉም አይገባኝም። በተጧጧፈው ትግል ውስጥ ሙሉ ተሳታፊ ሆነው አይሰሙኝም። ምርጫ ሲደርስ ብቅ ይላሉ። መልሰው ደግሞ እልም ይላሉ። አረጋዊ በርሄ መለስ እና ስብሃትን የሚተችበት እድል ካገኘ ብቅ ይላል። በተረፈ ብዙም የለም። ስርአቱን የሚያውቁት እንደመሆኑ ብዙ ማገዝ በቻሉ ነበር። ምናልባት አቻችለው መጓዝ ይፈልጉ ይሆናል። ግንባር መስመሩ ላይ አሉ ማለት ግን አይቻልም። ስለዚህ የትም የሉም…
ነጋሶ – በየነ- መረራ….?
በየነና መረራ ሸክማቸውን ስዬ አብርሃ ላይ ጭነው እረፍት የፈለጉ መስለው ታይተዋል። በየነ ጴጥሮስ ፕሬዚዳንት ግርማን ለመተካት ሞክሮ ከከሸፈበት ወዲህ ተስፋ ቆርጦአል። መረራ በንግግሩ ለወያኔ ጩቤ ቢሆንባቸውም፣ አሁን አሁን የአፍእላፊ ክሱን በመስጋት ቃላት በመምረጥ ሲጨናነቅ ይታያል። በፍርሃት ማሰሮ ውስጥ ተጨረማምቶ መቀመጥ ግዴታው የሆነ ፖለቲከኛ ምን አይነት ትግል ማድረግ ይቻለዋል? በርግጥ ጊዮርጊስ ከፈቀደ ሁለቱ አንጋፋዎች ወደፊት ሚኒስትር የመሆን እድል ይኖራቸው ይሆናል። መለስን ይተካሉ ብሎ የሚጠብቅ ግን ያለ አይመስልም።
ነጋሶ የዋህ ናቸው። የቅርብ የትግል ጓዳቸው አንዷለም አራጌ ታስሮ በጡጫና በእርግጫ ሲደበደብ እሳቸው፣ “በአንቀፅ 22 መሰረት..” የሚል አረፍተ ነገር ያለበት መግለጫ ሰጡ። ኢትዮጵያ ላይ ምን አንቀፅ አለ? ሌላው ቀርቶ አንቀፅ 39 እንኳ፣ ለህወሃት ስትራቴጂአዊ ፍላጎት ብቻ ተብሎ የገባ ነው። ዶክተር ነጋሶ አንቀፅ 22ን ከሚጠቅሱ፣ የብሉይ ኪዳን ህግን ቢጠቅሱ በተሻለ ነበር። ማለትም፣ “ለእርግጫ – እርግጫ! ለጡጫ – ጡጫ!” የሚለውን። ነጋሶ የወያኔን ህገመንግስት ያረቀቁት ከልባቸው ስለነበር፣ አሁንም ህጉ በስራ ላይ ያለ ይመስላቸዋል። ነጋሶ ይህን ያህል ዘመን ከህወሃት ጋር አብረው ሰርተው፣ የህወሃትን አንጎልና ልብ አለማወቃቸውን ሳስበው ግርም ይለኛል። የሆነው ሆኖ ነጋሶ ጊዳዳ ኢትዮጵያን ከመምራት አንፃር አማራጭ ናቸው ብዬ አላስብም። ታሪክ ግን፣ “ሰላምተኛ እና ጥሩ ሰው ነበሩ” በሚል ያስታውሳቸው ይሆናል።
ታማኝ በየነ…?
ታማኝ ኮሜዲያን በነበረበት ጊዜ በጣም ያስቀን ነበር። ከመነሻውም ግን ቀልዶቹ ፖለቲካ የተርከፈከፈባቸው ነበሩ። በተፈጥሮው በነፃነት የመናገር ተሰጥኦ ስላለው በዘመነ ደርግም ቢሆን፣ ከሌሎች ይልቅ ልቆ ደፍሮ ፖለቲካውን ይነካካ ነበር። ፖለቲካ በቀልድ ሲቀርብ አጥንት ይሰብራል። እንደ ታማኝ ፖለቲካዊ ኩመካ ቢሆን የወያኔ አጥንቶች ከመሰባበር አልፈው ዱቄት መሆን ነበረባቸው። ታማኝ ኩመካውን በመተው ወደ ፖለቲካው ከገባ ወዲህ ብዙ ፈተናዎች ገጥመውታል። አንዳንድ ወዳጆቹ ጠጋ ብለው፣ “ታማኝ! ፖለቲካውን ትተህ ወደ ሙያህ ብትመለስ ይሻልሃል። የሚያምርብህ ኩምክናው ነው” ብለውታል። አንድ ዘመዱ ደግሞ፣ “…ስትናገር አዝማሪ ነኝ ትላለህ። እኛ በዘራችን አዝማሪነት የለብንም። ለምን ስማችንን ታጠፋለህ?” ሲል ጠይቆታል። ቀልድ ሊሆን ይችላል። “ፕሮፌሰርና ዶክተር መውቀስ ታበዛለህ” እያሉ የሚተቹት የመኖራቸውን ያህል፣ “ፕሮፌሰርና ዶክተር ከሚባሉት አንተ ትሻላለህ።” እስከማለት የሚሄዱም አሉ። ደግነቱ ታማኝ በትችቱም ሆነ በሙገሳው የሚሞቀውም ሆነ የሚበርደው አይነት አይመስልም። ባለ አዞ ቆዳ ነው። እንደልቡ ይናገራል። ጠላቶቹም ወዳጆቹም ጓጉተው ያዳምጡታል። “የኔ እውነቶች” የሚለው አባባል አለው። በርግጥ አስቦ ከሚናገረው ይልቅ፣ በስሜት ከልቡ የሚያፈልቀው ይበልጥ ሳቢ ነው። የታማኝ ፈተና የወያኔ ውግዘትና የጥራዝ ነጠቆች ትችት ብቻ አይደለም። ቱባ የሚባሉ ሰዎችን በፖለቲካው ለማነሳሳት በሚያደርገው ጥረት ብዙ ፈተና ይገጥመዋል። ታማኝ ቀረብ እያለ ወደ ስብሰባ ወይም ወደ ተቃውሞ ሰልፍ እንዲወጡ ሲጠይቃቸው እንዲህ የሚል ምላሽ የሚሰጡት አሉ፣ “አዲሳባ ላይ ቤት መስራት ጀምሬያለሁ። በቪዲዮ የምታይ ከሆነ አስቸጋሪ ነው። ሊተናኮሉኝ ይችላሉ። በአሳብ ግን አብሬያችሁ ነኝ። ለማንኛውም ሞት ለወያኔ!” ሌሎች ደግሞ፣ “ምን መሰለህ ታማኝ!? በዚህ ገፈርሳ አካባቢ መሬት ወስጃለሁ። ለዶሮ እርባታ ነው ያሰብኳት። አጥሯን አጥሬ እስክጨርስ ገለል ማለት ይሻላል። የምትሰሩትን ግን እደግፋለሁ። በርቱ! ኢትዮጵያ ለዘላለም ትኑር!!” በርግማን ወያኔ የሞሞት ቢሆን ኖሮ ቀብሩ ገና ድሮ በተፈፀመ። በምርቃት ኢትዮጵያ ለዘልአለም መኖር ብትችልም ይህ ሁሉ ድካም ባላስፈለገ። መቼም እንዲህ ካሉ ፎጋሪዎች ጋር ተባብሮ ወያኔን ማስወገድ ህልም ነው። ታማኝ እንዲህ ባሉ ሰዎች ተከቦ፣ መንፈሱ ባለመርገቡ አደንቀዋለሁ፣ አዝንለታለሁም። በርግጥ ታማኝ ‘ፖለቲከኛ ነኝ’ ብሎ አያውቅም። ርግማን ሆኖብን እንጂ ታማኝ ጊዜውን በፖለቲካ ጉዳይ ማባከን አልነበረበትም። ይቺ “የተረገመች” አገር ተሳክቶላት የሰው ልጅ እንደ ሰው የሚከበርባት አገር ለመሆን ከበቃች ግን፣ መጪው ትውልድ ታማኝን ወደ ነፃነት በሚያመራው መንገድ ላይ እንደ መንገድ ጠራጊ ያስታውሰው ይሆናል…
ዳውድ እና ዱጋሳ…?
ሃይለማርያም ደሳለኝ….?
ያልታወቁ ወጣቶች….?
በመጨረሻ….?
በአገር ውስጥ የሚንቀሳቀሱ ሰላማዊ ፖለቲከኞች ምንም ማድረግ እንደማይችሉ በተደጋጋሚ የታየ ቢሆንም፣ ዞሮ ዞሮ ትግሉ መካሄድ ያለበት ከውስጥ መሆኑ ይታመናል። ርግጥ ነው፣ ልክ እኔ እንደማደርገው እንዲህ ደጅ ሆኖ መለፍለፍ ቀላል ነው። በቀለ ገርባ፣ እስክንድርና አንዷለም ጫማ ውስጥ መግባት ግን እጅግ ከባድ ሊሆን ይችላል። እየወደቁ ወደፊት ከመግፋት በቀር ግን ምርጫ የለም። ያም ሆኖ የእርቅ መንፈስ አስፈላጊነት መቼም ቢሆን ጊዜው አያልፍበትም። ከ50 አመታት በሁዋላ አሁን ስለፖለቲካ የምናወጋው አንዳችንም በህይወት አንኖርም። ተጠራርተንና ተጠራርገን እንወገዳለን። ምን ይሆን ለቀጣዩ ትውልድ ትተንለት የምናልፈው? ቂምና ጥላቻ? የማያባራ ጦርነት? ቅጥፈትና ሌብነት? ሃሜትና ቡጨቃ? ከቶ ምን ይሆን? በመጨረሻ ከተጠቀሱትና ካልተጠቀሱት መካከል “በቀጣይ ኢትዮጵያን የሚመራት ማነው?” የሚለው ጥያቄ በርግጥ አሁንም አልተመለሰም። ሆኖም “የነገው ቀን” በፍጥነት ወደ እኛ እየገሰገሰ ስለሆነ፣ መለስን ማን እንደሚተካ በቅርቡ እናውቀው ይሆናል…
Hailemariam Desalegne will be a riding horse.
Ingeneral your obsevation is conviencing.
“አሜሪካኖች ለኛ ካላቸው የተቃጠለ ፍቅር የተነሳ” አልክ? የተቃጠለ ፍቅር ምንድነው? በርኒንግ ላቭ የሚሉትን ማለትህ ይመስለኛል:: አንተ ግን በርንድ ላቭ እያልክ ነው? ይኸኛው ጽሑፍህ ትንታኔ ሳይሆን ተራ ወሬና ግምት ነው::
The analysis is not bad, But why you did not include OLF led by Kemal Gelchu that could be probably the best choice in unison with others like timret in democratic ethiopia. Because we do not need 20 0r 30 parties. what we need is if the parties are condensed to less than 5 parties. look USA, it is a continent and yet too much population compared to us but only 2 major parties. my idea is not to focus on individuals rather on parties. because leader comes from parties like what dr feseha is doing. I think a good start for those who genuienly to bring change in ethiopia. do not run alone bring your ideas individuals, parties condense it unite and bring change in ethiopia. time is changing old politics and critisizing each other only brings failer. what i have observed now is our eritrean brothers are changing their minds, they believe that it was a mistake to sucede. my eritrean friends say we have seen for the last 20 years the result in both areas. even they stop calling eritrea or ethiopia they call simply we habesha are one and the same.so let us intensify our struggle in this area too. GOD BLESS ETHIOPIA
by the way i am classified as young, recently arrived ethiopian.
አንተ ምናገባህ በኢትዮጵያ ፖለቲካ ገብተህ የምትፈተፍተው? የኤርትራ ፖለቲካ አቡካ!!
ውድ ተስፋዪ;
ጥሩ የውይይት አርእስት አመነጨህ! መለስን ለመተካት ያጨሀቸው ሰዎች ግን አንዳቸውም አይሆኑም:: እነሱ በሙሉ የእሳት እራት ይሆናሉ:: እኔ ነቢይ ስለ ሆንኩ የሚሆነውን ልንገርህ:: መለስ ሥልጣኑን የሚለቀው ከተገደለ በኋላ ነው:: ሐገራችን ለጥቂት ጊዜ ምስቅልቅሏ ይወጣና; ለጊዜው በወታደራዊ መንግሥት ከተንገዳገደች በኋላ; የሽግግር መንግሥት ይቋቋማል:: የሽግግሩ አመራርም የሚመረጠው; ከዚያ ጊዜ በፊት በምንም የፖለቲካ ፓርቲ አባልነት ካልተሳተፉ ስዎች መሀል ይሆናል:: ሐገሪቱን ለነመለስ ሰለባ ያደረጉት አሁን ያሉት የፖለቲካ ጦጦች (ኢህዴግ ጭምር) መሆናቸውን ሕዝቡ ስለሚያውቅ! ከሁለት ዓመት የሽግግር አገዛዝ በኋላ; በኢትዮጵያ ታሪክ ለመጀመሪያ ጊዜ የዲሞክራሲ ሥርዓት ይጀምራል; የተሟላ ለመሆን ግን ቢያንስ 50 ዓመት ይፈጃል::
እውነት እውነት እልሀለሁ; መለስ ከቤተ መንግሥቱ የሚለቀው በቃሬዛ ነው::
ለምን የማይጨበጥ ህልም ታልማላችሁ በመጀመርያ ወርበላዊና ዲክታተሩን መለስ ለማውረድ በመተባበር እንውርደው ከዛ በህዋላ ሰአቱ ሊመራ ስለሚችል ችግር የለውም ስለዚህ መለስ ዲክታተሩን በአንድ ክንድ ለማውረድ መተባበር ያስፈልጋል
This is some thing good I read. It is likely that any one of these people can come to power. But let work to bring the one with the good will of the people. I think G7 has some ground from North, and OLF, not the one in the G7 is in the heart of oromo people. The others in power has the way to do themselves. Old fashined thinking is gone, let think the good way, those who gave up is gone, those in struggle have hopes. And there is one thinig will definetly come “CHANGE” if we do not work togather, oromo amara tigre everybody, we can easily lose that coiuntry, let work not to suppress those who need freedom, let us make them rule the country, bring the poor infront of theri desk, they will never leave them on the ground. let us forget the past history, which bed for the majority, let us ask forgiveness for what our past fathers did to theri past fathers, let they will continue to revenge or to go go go go far from everybody. This looks plausible, inivitable. Thanks
Tesfaye, are you serious, that the problem we have in Ethiopia at the moment is not of, good governance and rule of law rather a choice of individuals/personality who qualify as head of state, come’ on bro you should know better after all, weren’t you a decade or so ago working for the same government, whose main objective is the disintegration of Ethiopia as a nation
As for your article I admire the literature, but when it comes to content you are not only out of touch with reality, but in essence denying the suffering of the Ethiopian people and undermining their struggle to get rid of bunch of dictators, what is more one doesn’t have to read between the lines to figure out what your desire and wishes are for the future Ethiopia which is, the division of Ethiopians along ethnic lines, a prosperous and a democratic Ethiopia as neighbour is an asset to Eritrea not a liability, but tell you what! This will not happen, for one thing we Ethiopians of every ethnicity have lived together in peace at worst of time, of course we Ethiopians have never had a democratically elected government in our history, but again we never had a government like the woyanes who is benefiting a handful of tigreans and a few hodams at the expense of all other Ethiopians, and doing everything at its disposal to eliminate everything Ethiopian.
This is the twenty first century for us it’s ENOUGH; long over due what we need is a government by the people for the people, so for now thank you for the suggestion when the time comes the people will elect the government they need of their own free will exercising their right
Finally don’t you think our brothers in Eritrea deserve a break? Please tell your uncle at the palace in Asmara, time out! You have never uttered word about him, I keep wondering why, is it because he is still your hero and emancipator? There are thousands and millions of Eritreans with far better idea for Eritrea and its people let them have the chance
He is scam!!!!
Selam Tesfaye,
You might have undermined the significance of General Kemal Gelchu’s and General Hilu’s OLF due to your bias, but keep in mind these group will be the most recognized group to holding Ethiopia together. I advise would like to give you a piece of advise that might be to your benefit. General Kemal’s OLF new idea have galvanized most Oromos behind the the closed door. As you are outsider you have no clear idea what is going on behind the closed door. You tend to value the barking dogs on the media. Did you ask yourself that how many Oromos or even the rest of Ethiopians have a chance to voice their preference in an open media?
Thus, it would be great miscalculation for you to exclude General Kemal and General Hailu from being the future leaders of Ethiopia.
እስኪ አቶ መልስ መጀመሪያ ስልጣኑን ይልቀቁ ከዛ እኛ ማን እንደሚመራን አናስብበታልን ከወያኔ በሃላ ስዬም ሆነ ሌሎች ከተቃዋሚ ሃይሎች በዲምክራሲ መብት አካቶ ህዝቡ ካልመረጣቸው በኢትዮጵያ ህዝብ ተቀባይነት ሊኖራቸው አይችልም አሜሪካኖች ስዬን ቢመኙ ባይመኙ ስዬ በኢትዮጵያ ህዝብ ተወዳጅም አይደለም ምናልባት ብርቱካን ያም ሊሰራ አይችልም ምክንያቱም ሁሉን ባካተተ ፖለቲካ አልበሰለችም በዛው መጠን ሁሉን ያከተተ ስርአት ካልተመሰረተም ታጥቦ ጭቃ ሊሆን ስለሚችል ወደድንም ጠላን ሁሉንም ህዝብ ያሳተፈ ህዝባዊ ምርጫ ካልተደረገ ዘለቄታዊ ሰላም ሊመጣ አድጋች ነው ::
ይህ ጊሩም ትስህፍ ንው
A fascingating story of speculation about post Meles Ethiopia. Actually, his conclusion has a point if dysfunctional political culture of Ethiopian politicians allows it. I doubt it. But the real truth is Ethiopia needs an inclusive national political reconciliation including truth and reconciliation promoted by former President Nelson Mandela who appointed a brilliant priest or Bishop to lead it. The call for national political reconciliation must occur and the US Government must get involved to guide it instead of trying pick and choose individuals leading to another failure of transition. Fissha Ethiopian National Transition Group needs to try to promote it since what I am proposing needs a good organizing individual or group with some organizational skills.
Sisay
It is a great shame that you underestimate the local politicians and uphold the ones who fled and make all sorts of noise from Europe and America. Burma’s Aung San Suu Kyi can be a great example of endurance, unlike the likes of Bertukan Mediksa. Bertukan was thrown to prison twice and twice she apologised to the government in order to be free. Do you really believe that she has the conviction to lead Ethiopia?
The only people who can bring change to Ethiopia are the ones who are struggling from the inside. The sooner we understand that the better. CHANGE DOESN’T COME FROM OUTSIDE! Give them credit and respect!
በጣም የሚያስደንቅ የሚገርም የአጻጻፍ ዘይበ ነው ያለህ ተስፍየ. ቀጥልበት…
Replacing Meles is not our our problem !Our problem is beyound that
ተስፊሽ
ጥሩ ስራ ነው ! ጎሽ ተባረክ !
ባንድ ድንጋይ ሁለት ወፍ መታህ
1. አንድ ርኣስ መፍጠር ነው (ለውይይት የሚሆን በዚህ መልኩ ብናየውና አጉል ተስፋ ኣንዳይሆን አያመላከትክ ነው)
2. መጠጥ በት ይመስል በየ ብሎጉ ፖለቲከኞች ነን እያል ከማውራት ሰብሰብ-ሰብሰብ ብለን ይሚታይ-የሚጨበጥ ስራ እንስራ
ተባረክ
Tesfaye,
Do you know there are lots of highly educated and mature Ethiopians all over the world who can lead this country thousand times better than Zenawi; like professor Al mariam and others ?Because you are Zenawis’ plant (propogandist)who is workin hard to dissimnate “no zenawi no country” trash talk.