በ2008 አንድ ሆነን በህዝባዊ ዓመጽ ሃገር አጥፊውን ቡድን ማስወገድ በሁሉም የኢትዮጵያ ህዝብ እቅድ ውስጥ ሊገባ እና ሊተገበር ይገባል።

እንደኔ አብዛኛው የኢትዮጵያ ህዝብም እንደሚያምነው መፍትሄው አንድ እና አንድ ነው እሱም ለዚህ ሁሉ መከራ ስቃይ የሃገር ጥፋት መንስኤ እና ተጥያቂ የሆነውን አሁን በስልጣን ላይ ያለውን የወያኔ ቡድን አስወግዶ ህዝብን የሚወክል እና በህዝብ የተመረጠ ህዝባዊ መንግስት ለመመስረት የሚደረገው ትግል ላይ መረባረብ ነው። ያለምንም ልዩነት አንድ በመሆን እራሳችንን ለመስዋእትነ ት በማዘጋጀት በመደራጀት ህዝባዊ
ዓመጽ በማድረግ ሃገር አጥፊውን ስርዓት ማስወገድ ብቻ ነው። ለዚህ ሃገራዊ ተግባር የሚተጉትን ክፍሎች ማገዝ እና መተባበር ነው።

ይህ ሲሆን ለሃገራቸው የተሰዉ ሰማእታት የነጸጋየ ደብተራው እና ጓዶቹ ትግሌን አደራ ብለው ያለፉት የነወጣት ሳሙኤል ለማ እና ሌሎቹም ስርዓቱን ለመሸሽ እና ኑሮን ለማሸነፍ በየበረሃው የቀሩ ወገኖቻችን ነፍስ ትደሰታለች ህዝባችን ከስቃይ ይላቀቃል ሃገር ትድናለች በሃገራችን እንደባለሃገር እንኖራለን በያለንበት ተከብረን እንኖራለን ባንዲራችን ከለማንም ከልካይ ትውለበለባለች ህዝባችን በፍቅር በአንድነት አብሮ ይኖራል።

ስለዚህም በ2008 አንድ ሆነን በህዝባዊ ዓመጽ ሃገር አጥፊውን ቡድን ማስወገድ በሁሉም የኢትዮጵያ ህዝብ እቅድ ውስጥ ሊገባ እና ሊተገበር ይገባል።