ፈልጌ አስፈልጌ ያን ሰሞን አጣኋት… አቤ ቶኮቻው

ሌላው በዚህ ቪዲዮ ውስጥ የታዘብኩት የራዲዮ ፋና ጋዜጠኛ የአንድነት ፓርቲ ተወካይ የሆኑትን አቶ ግርማ ሰይፉ ሲጠይቁ ሳቅ… እፍንንንን አድርጎት ይታያል። ልብ ብለው ይመልከቱልኝ… በርግጠኝነት የአለቆቹ ጨዋታ ገብቶታል።

በጥቅሉ እነ አቶ ትግስቱ ለዛውም ኢቲቪ ቆራርጦ አስተካክሎላቸው ራሱ አይደለም አንድነትን ያክል ፓርቲ የኛ ነው ለማለት ይቀርና ፖለቲከኛ የሚመስል ነገር እንኳ አላየሁባቸውም።

ምርጫ ቦርድ/ኢህአዴግ ለመኢአድም ሆነ ለአንድነት ሌላ ሰብብ ከሚፈልጉላቸው፤ በቃ ቆዳ ጫማችሁን ካላደወለቃችሁ አንችላችሁም። ብለው ከምርጫው ውጡልን ቢሉ የሚሻል ይመስለኛል። (ቆዳ ጫማ ካላወለቀ አልችለውም… ድሮ መደባደብ ስንፈራ የምሰጣት ምክንያት ነበረች።

አንዳንድ ልጅ፤ ሸራም አድርጎ ቢመጣ ሸራውን ካላወለቀ፤ አልጫወትም! ሞጋም ቢያደርግ ሞጋውን ያውልቅ እና ይሞክረኝ! ሞጋውን ቢያወልቅም ጥፍሩን ይቁረጥ እና ይሞክረኝ! ጥፍሩን ቢቆርጥም እግሩን ታጥቦ ይሞክረኝ… የሚባለላቸው ተፈሪዎች!

እንግዲህ አንደነቶች፤ ጉዳዩን ወደ ደጋፊዎቻችሁ ወስዳችሁ በሰላማዊ ሰልፍ አልያም በፊርማ ወይም በሌሎች ዘዴዎች በመጠየቅ ወደ ምርጫው ትራክ መመለስም ሌላው አማራጭ መሆኑን ልጠቁማችሁ እወዳለሁ… (ልል አሰብኩና እኔ ደቂቁ እናንተን እመክር ዘንድ ምንድነኝ…. ብዬ ተውኩት! )

ለማንኛውም ፈልጌ አስፈልጌ ያጣኋቸውን የአንድነት ተቀናቃኞች ቪዲዮ እንሆ… ትኩር ብለው ይመልከቱልኝ!