ሰበር ዜና ወያኔ አፈሳ ጀመረ
በርካታ የአዲስ አበባ ወጣቶች ወደ ወያኔ ማጎሪያ ቤቶች እየተጋዙ ነው። የህወሀት ወያኔ መንግስት ከትላንት ምሽት እስከ ዛሬ 25/11/2007 አ.ም ጠዋት ከ4000 ያላነሱ የአዲስ አበባ ወጣቶችን ከየ ክፍለ ከተማው የሚሰጋቸዉን አፍሶ መገናኛ አምቼ ፊት ለፊት በሚገኘው ሜዳ ሰብስቦ በአውቶቢስ ሲያጉዝ አርፍዶዋል።እስከ አሁን ከ35 በላይ አውቶቢስ ሰዎች አጉሮ ወስዱቸዋል።የቀሩት ጥቂት ወጣቶች መኪና እስኪመጣ ተቀምጠዋል።መድረሻቸውን ማረጋገጥ አልቻልኩም፤መረጃዉ […]
የአፍራሾች ዋይ ዋይታ (ደነባ ጉልላት)
July 25, 2015
ደነባ ጉልላት
ስንሰማ የነበረው ወያኔን በትጥቅ ትግል የሚፋለም ጠፋ ነበር ። ስንሰማ የነበረው የሕዝባዊ ሀይሉ መሪ ዶክተር ብርሃኑ በግንባር አልተገኙም የሚለውን ነበር ። ሁለቱም ቅሬታ ሲወገድ ግን ዋይ ዋይታና ኡ ኡታ የሚያሰሙ ከየስርቻው ብቅ አሉ ።
ከማንም በፊት ወደ ሻዕቢያ ሂዶ የነበረው ኤልያስ ክፍሌ የዚሁ ፊታውራሪ ሆኖ ብቅ አለ ። ወዳጅ ሲለው የነብረውን ሻዕቢያን ጠላት ብሎ ሰይሞ ተጀመረ የተባለውን የትጥቅ ፍልሚያ ሀሰት ሲል ኮነነ ። ሕዝባዊ ሀይሉን ቁጥር ከ ፲ ወደ መቶ ቢያደርሰውም የትም አልተንቀሳቀስም ብሎ አስተባበለ ።ይኽው ግለሰብ ግን የዴምህት ሀይል በኤርትራ ፵ ሺ ደርሷል ይለናል ። ለዚህ ያህል የማይንቀሳቀስ ጦር ምን ያህል ወጪ ይጠይቃልን አላሰበበትም ።ኢሳያስም የሌላ ህገር ዜጎች ያሉበት ይህን ያህል ጦር ማስተናገድስ ለደህንነቱ ይበጀዋል? ምን ገዶት ለኤልያስ!የኢትዮጵያ ረቪው የኢንተሊጀንስ ክፍል ባገኘው መረጃ መሰረት እያለ ውሸት መጠረቅ ልምዱ ነው ። ኤርትራና ሻዕቢያ ጠላት ከሆኑን ኢሳያስን የዓመቱ የኢትዮጵያ ታላቅ ሰው ያለ ኤልያስ ሊወገዝ የሚገባው ይሆናል ። ኾለኔል ፍጹም ያን ሁሉ ወጣት ከረሸነ ለምን ይህንን ለማጋለጥ ዓመታት ፈጀበት ብንል መልሱ ራሱ ጠቋሚ ነው ።ኤልያስ ክፍሌ ለመሆኑ አለሁ አለሁ ማለት ከጀመረ ጊዜ ጀምሮ የማንን አጀንዳ ነው በስራ ላይ እያዋለ ያለው ጥያቄ እንዳለ ሆኖ ዋናው ተል እኮእ ግን አርበኛ ሀይሉን/ታጋዮችን መበጥበጠ መሆኑን ታሪኩ ይመስክራል ።
ሌላው ዋይ ዋይታ አሰሚ አቶ መልኬ ሲሆኑ ወደ ኤርትራ የዘለቁት በዚያ ዋሾና ተራ ሌባ አብርሃም ያዬህ ተወስደው ነውና ያጋጠማቸው መጥፎ ተመክሮ ካለ ቅሬታቸው ቢገባንም ስለ አርበኞች ግንባር ያላቸው ዕውቀት ግን ጊዜ ያለፈበት መሆኑ የሚታይ ነው ። ደምስ የሚባለው በበኩሉ የመኢሶን ገራፊነት ታሪኩን እያነሱ ቀልቡን የሚገፉት እንዳሉ ሲታወቅ እሱም ቢሆን አርበኞች ግንባርን ደጋፊ መስሎ በተደጋጋሚ ወደ ኤርትራ የዘለቀ ነው ።ለምን መሄድ እንዳቆመ ኮለኔል ፍጹምን መጠይቅ አንገደድም —እናውቀዋለን ምክንያቱንና ነው ። እስካዛሬ ድምጹን አጥፍቶ ተደብቆ ከርሞ አሁን በግንቦት ፯ና አርበኞች ግንባር ላይ ምን አስነሳው ? በሻዕቢያም ሆነ በአርበኞች ግንባር መሪዎች ግፍ ተፈጸመ ካለስ ለምን እስካሁን ዝምታን መረጠ ብለን ስንጠይቅ የምናገኘው መልስ ግልጽ ያደርጋል የእሱን አፍራሽ ተልእኮ ።
ከድረ ገጾች ደግሞ ያ የለመደበትን ኢትዮፓትርዮት የተባለውን የትምክሀት ገጽ ወደ ጎን ስንተው የኢትዮሚዲያው አብርሃም በላይና የዘሃበሻም አዘጋጅ ና ጋዜጠኛ በሉን ባዩን አበበ በለውን አጅበው በጸረ ሻዕቢያ ሰበብ ሕዝባዊ ሀይሉ ላይ ተነስተዋል ። ወያኔን የሚያስደስት ጸረ ሕዝባዊ ሀይልና ጸረ ዶክተር ብርሃኑ ዘመቻ በግልጽም በረቀቀ መንገድም እያካሄዱ መሆናቸውን ሀገር ወዳዶች ያጋለጡት ጉዳይ ነው ።ከኢትዮፓትርዮት እየለቀሙ ጸረ ሕዝባዊ ሀይል ጽሁፎችን የሚለጥፉት አሲምባ አዘጋጆች ደግም ጸረ ግንቦት 7 አቅዋማቸውን ማሰማት ከጀመሩ ውሎ አድሯል ። የፓል ቶኩ እንደራሴ (ተስፉ ፡ስድስት“) አዲስ አቅዋም አልያዘም—ጸረ ግንቦትነቱ የታወቀ ነውን ። የዚህ አፍራሽ ስብስብ ማዕክል ግልጽ ሆኖ ባይመጣም ወይም አንድ ሆኖ ላይገኝ ቢችልም ስራቸው ግን የተጀመረውን ትግል በርታ በርቱ በማለት ፈንታ ማፋለስ ሆኖ ይገኛል ።ከዚህስ ማን ይጠቀማል ብሎ መጠየቅ ያስፈልጋል ። ተጠቃሚው ወያኔ መሆኑ ግልጽ ነው ። መፍረክረክ ሲጀምር አይዞህ ባዮች ስለሆኑለት ባይወዳቸውም ሊያመስግናቸው ይችላል ። አንዳንዶቹም በቀጥታ ከእሱ ጋር ንክኪ የላቸውም ማለት አንችልም ። እነ አበብ በለው ወያኔ ወያኔ መሽተት ከጀመሩ ዓመታት አልፈዋል ።
ትጥቅ ትግሉ ተጀምሯል ። ያለውን አደጋ አይተው ሸብረክ ሳይሉ መሪዎቹ ወደ አስመራ አቅንተዋል ። ትግሉን በቦታው ሆነን እንመራለንም ብለዋል ። አንመለስም እስከ ድል ድረስ ብለዋል የሚለውን ግን ካፋቸው ስላልሰማሁ ማረጋጋጥ አልችልም ። ብለዋል ባዮቹ አንዳንዶቹ ምን ሞቲቭ እንዳላቸውም የሚሳት አይደለም ። ሕዝባዊ ሀይል የጀመረውን ትግል በርታ ግፋበት ሊባል ይገባዋል ። ዶክተር ብርሃኑ ውድቀታችንን ትሰማላችሁ፤ ስንነሳም ትሰማላችሁ እንዳሉት ሁሉ በዚህ መንፈስ የትግሉን ሂደት መጠበቅ መልካም ይሆናል ። ድጋፍ እየሰጠናቸው መሆኑ አስፈላጊ ነው ። ከዚህ ቀደም በጄኔራል ሃይሌ መለስ፤ በኢአግ፤ወዘተ የተደረጉ የትጥቅ ትግል ሙከራዎችን በበቂ ባንደግፋቸውም ውድቀታቸውን አልተመኘንም ። የረዱም ጥቂቶች አልነበሩም ። የሕዝባዊ ጥሪ እንደሚወገዘው በነዚህ አፍራሾች ያልተደረገ ከሆነ በአጭር ጊዜ መታወቁ አይቀርም ።እየተካሄደ ካለም (እኔ ነው ብዬ አምናለሁ) ደግሞ አፍራሾቹ ያፍራሉ ። እነ ኤልያስ፤አብርሃም፤ዘ ሀበሻ፤አበበ በለውና መሰሎቻቸው ላይም ማዕቀብ ያስፈልጋል ።
አፍራሾች ይፈርሳሉ !!
ድል ለሕዝብ !!
ጋዜጠኛ ኤልያስ ክፍሌ በኢትዮጵያ ከረንት አፊርስ ተቋም በግንቦት 22 ቀን 2009 በሰጠው ቃለ ምልልስ „ፕሬዚዳንት ኢሳያስ አፈወርቂ ከዳኛ ብረቱካን ይብልጣሉ! ብርቱካን ምን አላት¡ ቦንብ የላትም፤ ፕሬዚዳንቱ ግን ቦንብ አላቸው“
ውሻ ጮኸ ተብሎ ድንጋይ አይወረወርም
July 22, 2015
ቹቸቤ ነኝ አማን ነው? የሰሞኑን ነገር ለመግለጥ የሚሆን መንደርደርያ ፍለጋ ስባጅ ቆየሁ። ዛሬ ሁሉም ተናጋሪ ቢሆንም የነገር ድግግሞሽ አታክቶናል። ገና የተተነፈሰው እንደሰሚው ተወላግዶ ወይም ጣፍጦ የበሬ ግንባር በምታክለው ፌስ ቡክ ይለጠፋል። ወሬ ብርቅ አይደለም። እንዲያውም በርካታ ተግባር አልባ የወሬ ቤቶች ተከፍተው ወሬ ሲወቁ ነገር ሲሰልቁ ቡና ቤት መለወጥ እንደሚወድ ጠጪ ከአንዱ ፓልቶክ ወደ ሌላው እየዞሩ በጉንጭ አልፋ ፍሬከርስኪ የሚያደነቁሩን አውርቶ አደሮች በዝተውብናል። ከሁሉ የሚያሳዝነው ደግሞ ከፈር ቀዳጅ ታጋዮቹ መንደር ነበርንና አንቱ በሉን የሚሉ እድሜ ጠገቦቹ ከተማሪ ረብሻ ወዲህ አርባ አመት ያስቆጥሩም ቢሆን ዛሬም እንኳ የአስተሳሰብ ጨቅላነታቸውን አለመጨረሳቸውና አሁንም በረብሻ መተዳደርን የመረጡ በሚያስመስል አፍራሽ ተግባር ተጠምደው ማየታችን ነው።
በእድሜ ዘመናቸው አንድም ሚዛን የሚደፋ ቁምነገር ሰርተው አያውቁም። በተለይ ደግሞ ወያኔ ወደስልጣን ከመጣ በሁዋላ ከኛ በላይ የወያኔ ተቃዋሚ ለአሳር እያሉ ሽንጣቸውን ገትረው የሚውረገረጉም ቢሆን የዚህን አረመኔ ወያኔ እድሜ የሚያረዝም እንጂ የሚያሳጥር ምንም ሰርተው አያውቁም። እንዲያውም ከእድር ለየት ባለ የፖለቲካ ቡድንነት የተሰባሰቡ መሆናችው ትዝ የሚላችውና ነገር ጣል ለማደረግ የሚባንኑት ሌላው ወገን የሰራው ነገር መኖሩን ሲሰሙ ነው። ያኔ አይናቸው ደም ይለብሳል እንደ ወያኔ ተለጣፊ ወይም ተመሳሳይ ነገር ሰርተው የተሰራውን ለማፍረስ ይጣደፋሉ። ገና አልባነነ ይሆናል እንጂ ጋዜጠኛውም ከፍርስራሾቹ አንዱን እየሆነ ነው። እንዲያውም ቆመጥ አድርገውት የራሱን ኢሳትን ይደበድቡበታል። እርሱም ዝናዬን ቀሙኝ ኩርፊያ የያዘ ይመስል አጓጉል መሄዱን መርጧል። ብቻ አጎቶቻችን ለማፍረስ ሲሆን እንደ ተኩላ ናቸው በጩኸት ይጠራራሉ ሳይነጋገሩ ይግባባሉ። ድርጅት በአይነት በአይነት ያቋቁሙና የመጥለፍ ጥማታቸውን ለጊዜውም ቢሆን ያረካሉ። የጀመሩትን ከምን እንዳደረሱት የሚጠይቅ ስለሌለ አዲስ ባቆሙት ላይ ያወራሉ። ትግል የሚለውን ቃል በግርድፉ እንዲያው ቃል በቃል ወስደው ነው መሰል አድማ እየመቱ ከሁሉም ሲታገሉና ሲያፈርሱ እድሜ ራሱ አፈራርሶ ሊጨርሳቸው ነው።
በመጨረሻ አንደርዳሪ ብልጥ ሃሳብ አገኘሁ እነሆ የብልህ ሰዎች ማህደር ከዊንስተን ቸርችል አባባል ላይ ወስዶ የለጠፈው ቃል ማረከኝ። “ውሻ በጮኸብህ ቁጥር ድንጋይ እያነሳህ የምትወረውር ከሆነ ካሰብክበት አትደርስም” የሚል ነው። አዎ ሩቅ ለመሄድ አልመው ድንጋይ ወርዋሪና ማዶ ለማዶ ቆሞ ተሳዳቢነትን የመረጡ ያሰቡበት አይደርሱም። ሰሞኑን የሚነፍሰው ንፋስ ግምኛ ነው ይሰነፍጣል። በርግጥ እነዚህ ሰዎች ነጻነትን ይፈልጋሉ ወይንስ እኛ ካላረግነው ሁሉም አፈር ይብላው የሚሉ ናቸው? እውን እነዚህ ሰዎች ለአፍራሽ ተልዕኮ የሚሰጣቸው ፍርፋሪ ኖሮ ነው ወይንስ ኑሮአቸው ይኸው ግርግር የመፍጠር ሆኖ ነው? ያስብላል። በተለይ የተማሩትና የኢትዮጵያ ጉዳይ ያገባናል እያሉ የሚጽፉት ምሁራኖች እነሱ ባሉብት መድረክ ላይ በጠንካራ ታጋዮችና መሪ ድርጅቶች ላይ ተራ ስድብ ሲደረደርና ትግሉን የሚጎዳ ግርድፍ ሀሳብ ሲዥጎዶጎድ በዝምታ ማለፋቸው ምን ይባላል? እኔን አንቱ እስካላችሁኝ ድረስ ሌላውን ድባቅ ብታስገቡትና ትግሉን ብትጎዱት እኔ ምን ገዶኝ ብለዋል ማለት ነው? ይሄ ከሆነ ስሌቱ ፍላጎታቸው መድረክ ላይ መኮፈስ እንጂ ሀገርን ማዳን አይደለም ብለን እኛም ለእንደዚህ አይነቶቹ የሚቸረውን አክብሮት እንሰጣቸዋለን።
በተግባራዊ ትግል የተጠመደው ወገን ደግሞ እነ ሰው ከንቱን ቁም ነገር አድርጎ አቧራ ማጨሱን ተወት አድርጎ ጊዜውን ተግባራዊው ትግል በሚፈልገው እንቅስቃሴ ላይ ቢያተርኩር ይሻላል። የእነኚህ አፍራሽ ወሬኞች ፋይል መዘጋት አለበት። እነርሱን ሰምቶ ከመንጫጫት ከግንቦት ሰባት አመራር ተምረን ለወሬኞች የምናባክነው ሰአት የለንም ብለን ወደተግባሩ እንመለስ። የግንቦት ሰባት አመራሮች ለርካሽና ተልካሻ ነገር መልስ ለመስጠት ደፋ ቀና ሲሉ አናያቸውም። ስራው ላይ በማተኮራቸው የእምነት ጽናትም በማሳየታቸው መሬት ላይ የሚታይ ስራ እየሰሩ ነው። ‘በርገር’ እየበሉ ግፋ በለው ብቻ እንደማይሉ ደግሞ በተግባርም እያሳዩ ነው። የሚበልጠው ለእናት ሀገር ለመዋደቅ የቆረጡ ወጣቶችንና አርበኞችን መደገፍና ትግሉን ማፋፋም ወይንስ የአሽሙር ጧፍ እያበሩ የእርግማን አዝማች ያለው የስድብ መዝሙር መዘመር?
ምርጫችንን ልናውቅ ልንበስልና ልንበቃ የሚገባን ጊዜ ላይ ነንና ከአመት አመት ራሳችንን እዚያው የነበርንበት ላይ ማግኘት ደካማ አቅማችንን ፀሀይ ማስሞቅ ይሆናል። ለዚህ ነው እነ ስም አይጠሬን ከቁም ነገር መድረክ ላይ ቆልለን በጮሁ መጠን ቃላት የምንወራወር ከሆነ መቼም ቢሆን ካሰብንበት አንደርስም ለማለት የወደድኩት። እንዲያውም ተጋብቶብን ቀንደኛ ተሳዳቢና አለክላኪ ተጓዥ ሆነን እርስበርስ የመነካከስ ባህርያትንም እየወረስን ነውና እነሱን ከመሆን ያድነን እንበልና ወደፊት እንገስግስ። ሁሉም ነገር ወደ ጦር ግንባር የሚል መፈክር ትዝ የሚለው ማነው? አዎ ያኔ ያለቀ ቢሆን ዛሬን ባልዘመትን ነበር።
ድል የማይቀር እውነት ነውና ዱር ቤቴ ላሉት ደጀን መሆን ምርጫችን ይሁን!
no more power belive me if woyane is colapse there is new country that is oromia.neftena must go where he come from.the nazi ortodox the killer.
Understandably, G7 foot soldiers are out on offensive as brave Ethiopians come out and blow their house of cards.
I am an Eritrean by birth and I know very much about the dictator in Asmara. The gullible so called Ethiopian opposition who are based on Eritrea has no the slightest freedom for themselves let alone to free their country Ethiopia. It is a glaring fact and and you are deceiving yourself. Ask any reasonable Eritrean and you will learn the bitter truth. Isayas is using them as a cannon fodder and he don’t care how many of them are died to save his ass even they are Eritrean citizen. I am sorry for Birhanu Nega. I wish his emotions was not dictating his reasoning. I wish he avoided willful slavery given the nature of Isayas government is plainly understandable even by an ordinary person. In the process, I can assure you the looser are both the people of Ethiopia and Eritrea. Isayas and Woyane was never been enemies and will not be in a foreseeable future. No peace no war stance is the very essence of their survival. Both are masters of deception and you don’t need to be a professor to know such fact. Demise, Elyas, Melke, etc. told the reality as it is. But you know that, the Holy Bible beautifully tells us “A prophet has no honor in his own country”. Here we go again, and G7 foot soldiers are trusting Isayas than the people who spend lots of time on the ground like the guys I mentioned earlier.
Good day!
betam new mengeremew rasachen hezebe lay yehe hula chekane men yelutal?????