ከአዲስ አበባ ወደ ደምቢዶሎ ሲጓዝ የነበረ አውቶብስ ተገልብጦ የ12 ሰዎችን ህይዎት ቀጠፈ 12 people died after bus overturned

አዲስ አበባ፣ መጋቢት 3፣ 2007 (ኤፍ.ቢ.ሲ) ዛሬ ማለዳ ከአዲስ አበባ ደንቢዶሎ 68 ሰዎችን አሳፍሮ ሲጓዝ የነበረ የህዝብ ማመላለሻ አውቶቡስ ተገልብጦ 12 ሰዎች ወዲያውኑ ህይወታቸው ሲያልፍ ቀሪዎቹ 56 ተሳፋሪዎች ከባድ ጉዳት እንደደረሰባቸው ተገለጸ።

በአደጋው ጉዳት የደረሰባቸው ተሳፋሪዎች አምቦ እና አዲስ አበባ  በሚገኙ ሆስፒታሎች ለህክምና እንደተላኩም ፖሊስ አስታወቋል።

አውቶቡሱ 194 ኪሎ ሜትር እንደተጓዘ ረፋድ 4 ሰአት ላይ ምዕራብ ሸዋ ጨሊያ ወረዳ ራቾ ገጠር ቀበሌ ልዩ ስሙ መሳለሚያ አካባቢ ሲደርስ ነበር አደጋው የደረሰው።

የአደጋው መንስኤ በመጣራት ላይ  መሆኑን የወረዳው ፖሊስ አዛዥ  ኮማንደር ከበደ ደቢርሳ ተናግረዋል።

በኬነሳ አመንቴ